DUVI. Diario da Universidade de Vigo
Inicio arrow Institucional arrow Campus Vigo

Campus Vigo

Xoves, 23 de marzo do 2017

O Concello pon a disposición da institución académica un espazo na antiga Reitoría da rúa Areal

O alcalde traslada ao reitor da Universidade de Vigo as súas propostas sobre os terreos da ETEA para Campus do Mar e o pago do IBI


Image Case un ano despois do último encontro que mantiveran en dependencias municipais, o alcalde e o reitor da Universidade de Vigo reuníronse este mediodía nunha xuntanza na que Abel Caballero trasladou a Salustiano Mato a súa posición en relación cos terreos da ETEA destinados a Campus do Mar, o pago do IBI, a participación da institución municipal na exposición do pergamiño Vindel e a posibilidade de que a Universidade dispoña dun espazo no centro da cidade ata que non se rematen as obras da sede do Berbés. Na reunión Mato estivo acompañado polo vicerreitor de Economía de Planificación, José Manuel García e Caballero polos edís de Fomento, Limpeza e Contratación e de Orzamentos e Facenda, David Regades e Jaime Aneiros.
Xoves, 23 de marzo do 2017

A responsable de loxística de Arnoia Distribución de Libros, Alicia Ferreiro, falou sobre muller neste sector

A EE Industrial celebra o seu patrón, San Xosé, visibilizando a presenza feminina na enxeñaría

Entregáronse as distincións do centro a docentes, grupos de investigación e persoal de administración


ImageUn ano máis, e con motivo da celebración do seu patrón, a Escola de Enxeñería Industrial reuniu as comunidades universitarias das súas dúas sedes, campus e cidade, no acto institucional en honra de San Xosé. Como vén sendo habitual, o edificio de Torrecedeira acolleu unha cita na que o centro ofrece un recoñecemento aos docentes máis valorados polo alumnado, aos seu grupos de investigación punteiros, aos investigadores novos e ao persoal docente e de administración e servizos con máis antigüidade na escola. Nesta ocasión, a conferencia central do acto correu a cargo de Alicia Ferreiro, responsable de loxística de Arnoia Distribución de Libros e egresada do centro, que se centrou na visión feminina na enxeñaría industrial.
Mércores, 22 de marzo do 2017

Con cadansúa axuda complementaria de 1000 euros

O Centro Comercial Gran Vía axudará economicamente a alumnado excelente que participe no programa Erasmus+

Manuel J. Fernández e Fernando Pinto asinaron este mércores o convenio de colaboración


ImageAs tres alumnas ou alumnos con mellor expediente académico seleccionados para participar o próximo curso no programa Erasmus+ recibirán cadansúa axuda complementaria de 1000 euros financiada polo Centro Comercial Gran Vía de Vigo. Así se establece no convenio de colaboración asinado este mércores entre esta entidade e a Universidade de Vigo, un documento no que se explican os detalles dun novo lanzamento das denominadas bolsas Erasmus+ Gran Vía de Vigo, axudas que xa se puxeran en marcha en 2015 e que agora volven pórse a disposición do alumnado universitario vigués.
Luns, 20 de marzo do 2017

A nova titulación comezaría a impartirse na Escola de Enxeñería Industrial no curso 2018-2019

O Consello de Goberno aproba á declaración de interese do grao de Enxeñería Biomédica

Considerarase a futura implantación en 2019/20 dun Grao en Deseño e Creación en Pontevedra


Image A Universidade de Vigo comeza a dar pasos cara ao novo mapa de titulacións e faino coa aprobación por parte do Consello de Goberno da declaración dunha nova titulación de grao e sete de máster, que se implantarían no curso 2018-2019, mentres que cara ao curso 2019-2020 o órgano de goberno manifestou o seu interese cara á considerar unha aprobación formal doutras declaracións de interese para implantar neste caso outro grao e dous novos mestrados. En relación coas declaracións de interese aprobadas hoxe, o Consello deu luz verde á presentada pola Escola Enxeñería Industrial para a implantación no curso 2018-2019 dun Grao en Enxeñería Biomédica. Cara ao curso 2019-2020, o Consello de Goberno manifestouse favorable a considerar unha oferta futura cara á aprobación formal dunha declaración de interese para que se poida impartir na Facultade de Belas Artes un Grao en Deseño e Creación.
Venres, 17 de marzo do 2017

A versión en liña da feira de emprego universitario celebrarase do 21 ao 24 de marzo

A II edición da Finde.U Virtual contará coa participación de máis de cen empresas de toda Europa

En 2016 ofertáronse 1324 postos de emprego e recibíronse máis de 4400 currículos


ImageMáis de cen empresas procedentes de toda Europa participarán a vindeira semana na II edición da Feira Internacional Virtual de Emprego Finde.Eu, unha cita organizada polas universidades de Vigo, Porto e Tras Os Montes e Alto Douro, que este ano se celebrará do 21 ao 24 de marzo e na que a expectativa é superar os bos resultados que xa se acadaron na anterior edición, na que participaran 78 empresas que ofertaron 1324 postos de emprego para os que se recibiron máis de 4400 currículos. A matrícula para o alumnado, totalmente gratuíta, manterase aberta ata o xoves.
Martes, 14 de marzo do 2017

Coa novidade da participación do alumnado e de grupos de investigación de referencia

A Crusoe traballará para ampliar o programa de mobilidade Iacobus á macrorrexión de Rexións do Sudoeste de Europa

En paralelo á reunión celebrada en Vigo, a comunidade autónoma de Cantabria adheriuse á Resoe


Image O programa de mobilidade macrorrexional de Galicia e o norte de Portugal, Iacobus, verá ampliado o seu ámbito xeográfico, así como os colectivos que del se están a beneficiar, tralo acordo adoptado hoxe pola Conferencia de Reitores das Universidades do Suroeste de Europa, Crusoe, reunida en Vigo, nunha xuntanza previa ao acto de celebración e ratificación da adhesión da comunidade autónoma de Cantabria á macrorrexión de Rexións do Sudoeste de Europa, Resoe, no que participaron os presidentes e responsables políticos de Galicia, Asturias, Castela e León, as rexións norte e centro de Portugal e Cantabria. Así mesmo, na xuntanza, a Resoe realizou unha encomenda formal á Conferencia de Reitores para elaborar un mapa de capacidades por sectores e actividades económicas que permita posicionar politicamente determinados tipos de proxectos tractores para o seu financiamento estrutural.
Resultados 43 - 48 de 1408

Duvi. Diario da Universidade de Vigo. | Contacta con nós