DUVI. Diario da Universidade de Vigo
Inicio arrow Institucional arrow Campus Vigo

Campus Vigo

Xoves, 20 de abril do 2017

Salustiano Mato asegura estar “moi feliz de poder poñernos a traballar de forma definitiva”

Os convenios que permitirán desenvolver Campus do Mar na ETEA aprobaranse a próxima semana

Abel Caballero confirmou ao reitor a celebración do pleno de Zona Franca o vindeiro martes


Image O visto e prace aos convenios entre a Zona Franca e a Universidade de Vigo e entre o Consorcio e a Xunta de Galicia que permitirán o desenvolvemento do proxecto de Campus do Mar previsto na ETEA, será unha realidade o vindeiro martes 25 de abril, data proposta por Abel Caballero para a celebración do pleno do Consorcio que preside. Foi o propio alcalde de Vigo, nunha reunión celebada este mediodía no Concello, o que confirmou ao reitor da Universidade de Vigo, a data na que terá lugar unha sesión na que Mato explicou que se aprobarán os convenios previstos “o que posibilitará que vaian adiante as actividades previstas de Campus do Mar na ETEA. Estamos moi felices de que podamos poñernos a traballar dunha forma definitiva”, sinalou o reitor. Mato, na súa coparecencia ante os medios, asegurou que o importante para el é falar de futuro e o importante para a Universidade é “que isto vaia para adiante".
Xoves, 20 de abril do 2017

Do 22 ao 28 de maio permanecerá aberta todos os sábados e domingos

Comezan na Biblioteca os horarios especiais de apertura

Torrecedeira e as centrais de Ourense e Pontevedra pecharán durante a semana ás 03.00 h da madrugada


ImageAnte a chegada inminente dos exames do segundo cuadrimestre, a Biblioteca Universitaria amplía como cada curso os seus horarios de apertura coa finalidade de axudar ao estudantado na preparación dos exames e a realización dos traballos de fin de grao ou mestrado. Os novos horarios, que darán comezo o 22 de abril, comprenden aperturas nocturnas e de fin de semana nos centros dos tres campus, incluíndo tamén os festivos do 1 e 17 de maio. Durante estas aperturas extraordinarias, as bibliotecas só prestarán un servizo de espazo para o estudo e de consulta de material bibliográfico, pero non se realizarán préstamos.
Martes, 18 de abril do 2017

A comunidade universitaria poderá coñecer e opinar sobre os avances nas distintas liñas de traballo

A iniciativa Conectamos permitirá que o proceso de renovación da comunicación dixital da Universidade sexa aberto e participativo

O proxecto inclúe a renovación da web e a reorganización de toda a estrutura de páxinas


ImageA Universidade de Vigo estreábase no universo dixital en 1998. Dende aquela, a web da institución sufriu cambios substanciais adaptándose aos avances tecnolóxicos, ás necesidades da sociedade na que se insire e ás correntes de estilo e imaxe. A última modificación substancial foi en 2010 e a institución traballa agora nunha nova reorganización, tanto de contido como de estilo, de toda a súa contorna dixital co obxectivo de asentar boas prácticas e xerar outras novas que permitan modernizar e construír unha mellor comunicación colectiva. Neste contexto nace a iniciativa Conectamos, un sitio web no que se dará conta dos avances e novidades deste proceso de remodelación para que toda a comunidade universitaria poida opinar e facer suxestións.
Luns, 17 de abril do 2017

A Universidade de Vigo colaborará coa súa homóloga africana na posta en marcha da iniciativa

Campus do Mar dá un salto cualitativo na súa colaboración con Cabo Verde exportando o proxecto Empreamar

Unha vintena de emprendedores beneficiaranse da subvención de case de 73.000 euros da AECID


ImageTras cinco anos colaborando no desenvolvemento de diferentes iniciativas, Campus do Mar dá un salto cualitativo na súa relación con institucións académicas e de investigación de Cabo Verde coa sinatura dun protocolo entre a Universidade de Vigo a súa homóloga africana para promover o emprendemento nos sectores estratéxicos relacionados coa economía marítima. O proxecto Emprendemento no mar. Innovación para o desenvolvemento sostible das comunidades costeiras de Cabo Verde, Empreamar CV está subvencionado con preto de 73.000 euros que a Presidencia de la Agencia Española de Cooperación Internacional para el Desarrollo, AECID, concedeu á Universidade de Cabo Verde, cuxa reitora foi a encargada hoxe de asinar co seu homólogo da Universidade de Vigo o protocolo de colaboración.
Venres, 07 de abril do 2017

Coa participación de responsables do Technion Haifa de Israel e do Rockefeller Philanthropy

As Xornadas de fundraising para a promoción do mecenado universitario apostan pola internacionalización na súa 4ª edición

A obra social, a marca pública universitaria e as redes sociais, abordaranse nas sesións o 4 e 5 de maio


Image As IV Xornadas de fundraising para a promoción do mecenado universitario, organizadas desde a Reitoría da Universidade de Vigo, coa colaboración do seu Consello Social e a participación da Conferencia de Consellos Sociales, desenvolveranse os vindeiros 4 e 5 de maio, cun clara aposta pola internacionalización e cun programa no que se abordarán, a través de relatorios e obradoiros, cuestións como a obra social, a marca pública universitaria, as redes sociais, o libro branco sobre mecenado universitario e os observatorios de antigos alumnos. As xornadas, cuxa inscrición é gratuita, celebraranse na sede da Fundación Barrié en Vigo.
Xoves, 06 de abril do 2017

Emilab está impulsado pola Vicerreitoría de Estudantes e o Centro de Linguas

Un repositorio virtual ofrece ao profesorado recursos e materiais de apoio para a docencia en inglés

Inclúe manuais, dicionarios, cursos de pronunciación, exercicios e un servizo de consulta


ImageNeste curso 2016-2017 a Universidade de Vigo oferta 127 materias de grao e 90 de mestrado que se poden cursar en inglés nas diferentes titulacións, así como a posibilidade de completar un cuadrimestre enteiro en inglés en varios centros. Esta aposta pola internacionalización e polo plurilingüismo da institución precisa da implicación do persoal docente e, para facilitarlles a tarefa de impartir as clases nunha lingua estranxeira, a Vicerreitoría de Estudantes en colaboración co Centro de Linguas acaba de poñer en marcha Emilab, unha plataforma web de apoio á docencia e redacción de artigos en inglés.
Resultados 49 - 54 de 1424

Duvi. Diario da Universidade de Vigo. | Contacta con nós