DUVI. Diario da Universidade de Vigo
Inicio arrow Alumnado arrow Campus Vigo

Campus Vigo

Mércores, 18 de outubro do 2017

O acto de apertura será mañá xoves na EU de Estudos Empresariais

Bota a andar un novo curso para as 327 alumnas e alumnos do Programa Universitario de Maiores en Vigo

Asistirá como convidado especial o presidente da RAG, Víctor Freixanes, e haberá unha lembranza a Carlos Casares


ImageO Programa Universitario de Maiores, PUM, arranca este curso con preto de 567 alumnas e alumnos e, deles, 327 fano no campus de Vigo. Mañá xoves celebran o seu acto de apertura de curso, un dos intres máis emotivos do ano, xa que como sinala Marina Troncoso, presidenta das Aulas de Formación Aberta, “é o momento para entrar en contacto coas persoas que comezan no programa e de reencontro entre os que xa levamos moitos anos”. Levan semanas preparando este acto con esmero e nesta particular posta de longo o alumnado máis veterano do campus estará arroupado por numerosos membros da comunidade universitaria.
Luns, 09 de outubro do 2017

Máis de 100 estudantes dos tres campus iniciaron unha semana de formación en liña

O Forum Emprego Universitario arranca con todas as prazas cubertas para preparar o alumnado para a Finde.U

As persoas asistentes aprenden a xestionar o CV, a enfrontarse a entrevistas e a sacarlle partido ás feiras laborais


ImageCon todas as prazas cubertas arrancou este luns nos tres campus a décimo sexta edición do Forum Emprego Universitario, un evento que dende 2016 ven formando parte da programación de eventos da Feira Internacional de Emprego Universitario, Finde.U, que se celebra ao longo deste mes en Porto e Vigo. O Forum Emprego convértese así, como explicou ao alumnado asistente a vicerreitora de Estudantes, Dolores González, nunha “xornada complementaria á feira, para que cheguedes nas mellores condicións de preparación e sacades o máximo partido da mesma”. O Forum Emprego Universitario desenvolverase ata o día 16, con formación en liña con excepción desta primeira xornada que tivo carácter presencial en Vigo e foi seguida por videoconferencia dende os campus de Ourense e Pontevedra.
Mércores, 04 de outubro do 2017

O centro comercial do campus acolle dende hoxe a mostra 'Sen Moldes'

Fotografías que rachan coa orde sexual imposta

As imaxes son obra de 18 estudantes do primeiro curso de Belas Artes


ImageCada unha das 22 imaxes que dende hoxe mércores se expoñen no centro comercial de Cidade Universitaria representa unha visión o máis persoal e íntima posible sobre o xénero e os roles sexuais tradicionais. Tras o obxectivo da cámara están dezaoito estudantes da materia Técnicas Fotográficas do primeiro curso do Grao en Belas Artes, comisariados polos docentes Mar Caldas e Carlos Tejo e co patrocinio da Unidade de Igualdade. Sen Moldes. Comentarios fotográficos sobre os xéneros é unha escolma do traballo realizado por todo o alumnado desta materia, que recolle os traballos máis creativos e rompedores que reflexionan sobre a orde sexual imposta, contrapoñéndolle visións críticas, discrepantes, anovadoras, creativas, diverxentes ou paradoxais.
Martes, 03 de outubro do 2017

O programa está impulsado pola ORI e a asociación ESN Vigo

A comunidade universitaria tamén se anota á moda dos tándem de conversa bilingües

O curso pasado formáronse 65 parellas, a maior parte para practicar inglés/español


ImageO curso pasado formáronse 65 parellas, a maior parte para practicar inglés/español pero tamén alemán ou francés... e a previsión é que este curso se repitan cifran similares ou lixeiramente superiores. Os encontros para aprender idiomas de xeito informal multiplícanse nas cidades e a comunidade universitaria non permanece allea a esta moda. Impulsados pola Oficina de Relacións Internacionais e a asociación ESN Vigo, Asociación de Apoio aos Estudantes Estranxeiros, hai xa varios cursos que se puxeron en marcha os tándems de conversa, unha opción que pon en contacto estudantes e docentes locais co alumnado internacional.
Martes, 03 de outubro do 2017

Destinado ao alumnado de grao e mestrado matriculado no curso 2017-2018

Aberto ata o 23 de outubro o prazo de solicitude das bolsas de comedor

A dotación económica bruta de cada axuda é de 500 euros anuais


ImageA Universidade de Vigo destina este curso un total de 280.000 euros ás bolsas comedor, axudas propias da institución que teñen como finalidade garantir a igualdade de oportunidades das familias con menos recursos e, por tanto, os requisitos económicos para acceder a este tipo de axudas son bastante esixentes, polo que a renda anual non pode exceder de 3000 euros por membro da unidade familiar non podendo exceder a renda per cápita de 3000 euros anuais, ademais doutros requisitos económicos. Estas bolsas, que se poden solicitar ata o día 23 de outubro, están destinadas ao alumnado de grao e mestrado matriculado no curso 2017-2018 en calquera dos tres campus, ben nun curso completo, ben nun número mínimo de créditos que se recolle na convocatoria.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 9 de 645

Duvi. Diario da Universidade de Vigo. | Contacta con nós