DUVI. Diario da Universidade de Vigo
Inicio arrow Alumnado arrow Campus Ourense

Campus Ourense

Mércores, 18 de outubro do 2017

A asociación Auce convoca unha nova edición do seu Obradoiro Contos ConSenso

Relendo a literatura infantil desde unha perspectiva de xénero

As persoas participantes traballarán arredor de contidos e formas narrativas


Image“A tradición oral é clave para a transmisión de aprendizaxes e a construción do imaxinario colectivo. Os contos enchen as nosas vidas tanto en espazos de aprendizaxe formal como no cotián a través da oralidade e dos medios audiovisuais. Por isto, consideramos imprescindible deconstruír o imaxinario heteropatrical, capacitista, especista, etnocentrista e capitalista, entre outras cuestións. Pensamos que é importante visibilizar outros modelos existentes que poñan en valor a diversidade”. Con estas premisas, a Asociación Universitaria de Ciencias da Educación Auce celebrará a finais de outubro unha nova edición do seu Obradoiro Contos ConSenso: Contos con Perspectiva de Xénero.
Martes, 17 de outubro do 2017

A iniciativa forma parte do convenio de colaboración asinado polo Concello e a institución académica

O Festival de Cine Internacional de Ourense presenta o seu primeiro Xurado Universitario

Catro dos estudantes seleccionados cursan o Grao en Comunicación Audiovisual


ImageEste martes o Festival de Cine Internacional de Ourense presentou o seu primeiro Xurado Universitario, que estará formado polos estudantes da Universidade de Vigo Cora Diz, Rebeca Lar, Ricardo Araújo, Nicolás Pérez e Lucía Estévez. A creación do Xurado Universitario está enmarcada no convenio de colaboración que o Concello de Ourense e a Universidade de Vigo asinaron recentemente para achegar a cultura cinematográfica á mocidade universitaria durante a 22ª edición do certame, que se celebrará do 20 ao 27 de outubro.
Martes, 10 de outubro do 2017

Amigos da Terra organizou este martes unha xornada informativa sobre este servizo

Ese 'gran descoñecido' chamado voluntariado europeo

As persoas asistentes puideron coñecer de primeira man testemuños de beneficiarios e beneficiarias


ImagePor segundo ano consecutivo, a asociación ecoloxista Amigos da Terra escolleu este martes o campus de Ourense para celebrar a xornada de peche da súa iniciativa de promoción do Servizo Voluntario Europeo, realizada ao abeiro do Programa Iniciativa Xove da Dirección Xeral de Xuventude, Participación e Voluntariado. Nela, organizacións e persoas interesadas neste tema puideron, ademais de recibir toda a información precisa del, coñecer de primeira man testemuños de persoas que foron ou son voluntarios europeos. “Este servizo é o gran descoñecido para a xente”, destacou Patricia Iglesias, responsable de Voluntariado de Amigos da Terra.
Luns, 09 de outubro do 2017

O Gabinete Psicopedagóxico do campus afronta un novo curso de actividade

O asesoramento académico e psicolóxico corre pola súa conta

A súa programación formativa arrancará o día 2 de novembro


ImageO Gabinete Psicopedagóxico do campus de Ourense despediu o curso 2016/2017 superando as 1800 consultas e as 61 horas de formación, datos que supuxeron un fito na súa actividade e a confirmación de que “cada día este servizo é máis coñecido entre o alumnado, o noso principal usuario, e entre o profesorado, que cada vez nos deriva máis estudantes”, como destaca a súa responsable, Isabel Ferreiro. Co curso 2017/2018 en marcha e o reto de consolidar as súas últimas cifras, o gabinete ten en marcha os seus servizos de atención e formación tanto individual como grupal, comezando o día 2 de novembro a súa programación de cursos.
Venres, 06 de outubro do 2017

A Facultade de Dereito celebrou este venres un foro con este obxectivo

Os futuros xuristas prepáranse para a súa saída ao mercado laboral

No marco das actividades de fomento da empregabilidade da iniciativa Orienta Iuris


ImagePor segundo ano consecutivo, a Facultade de Dereito do campus de Ourense ten en marcha este mes a iniciativa Orienta Iuris, dirixida fundamentalmente ao seu alumnado de último curso coa finalidade de orientalo e axudarlle a definir o seu futuro profesional en entidades públicas e privadas. No marco da súa programación e como actividade preliminar á celebración da feira que culminará o día 27 de outubro a súa actividade, este venres celebrouse no centro un Foro emprego e práctica xurídica no que os asistentes puideron aprender como ter mellores resultados nos procesos selectivos de empresas e despachos de avogados e coñecer diferentes saídas profesionais.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 9 de 396

Duvi. Diario da Universidade de Vigo. | Contacta con nós