DUVI. Diario da Universidade de Vigo
Xoves, 09 de marzo do 2017

A institución lusa acolleu hoxe o II Cumio Universidade do Porto-Universidade de Vigo

As universidades de Vigo e Porto captaron nos dous últimos anos máis de 10 millóns de euros para Galicia e o norte de Portugal

Emprendemento, innovación e creación de emprego, principais obxectivos da colaboración


Image Fortalecer alianzas estratéxicas en materia de innovación social e emprendemento; identificar oportunidades de creación e consolidación de emprego cualificado e afianzar a cooperación e competitividade interterritorial son os piares da estratexia de acción definida hoxe no II Cumio Universidade do Porto-Universidade de Vigo celebrado na institución académica lusa e na que tomaron parte os equipos de goberno de ambas as súas institucións, encabezados polos reitores Sebastião Feyo de Azevedo e Salustiano Mato. Desde o primeiro cumio, celebrado en Vigo o ano 2015, ambas as dúas universidades desenvolveron proxectos conxuntos nas áreas de investigación, mobilidade, innovación e emprendemento, empregabilidade e organización. Froito desta cooperación nos ámbitos das relacións internacionais e cooperación rexional, acadáronse máis de 10,6 millóns de euros de investimento en Galicia e no norte de Portugal.

Duvi | Vigo
Fortalecer alianzas estratéxicas en materia de innovación social e emprendemento; identificar oportunidades de creación e consolidación de emprego cualificado e afianzar a cooperación e competitividade interterritorial son os piares da estratexia de acción definida este xoves no II Cumio Universidade do Porto-Universidade de Vigo celebrado na institución académica lusa e na que tomaron parte os equipos de goberno de ambas as súas institucións, encabezados polos reitores Sebastião Feyo de Azevedo e Salustiano Mato. Desde o primeiro cumio, celebrado en Vigo o ano 2015, ambas as dúas universidades desenvolveron proxectos conxuntos en áreas como investigación, mobilidade, innovación e emprendemento, empregabilidade e organización. Froito dese traballo conxunto nos ámbitos das relacións internacionais e cooperación rexional acadáronse máis de 10,6 millóns de euros de investimento en Galicia e no norte de Portugal.

No ámbito da innovación e emprendemento, a Universidade do Porto e a Universidade de Vigo contan neste intre cun conxunto de proxectos comúns, como Academia2Business, FIRE RS!, Smart and Greend Technologies, Erasmus Mundos DREAM,IMAXINA!, Sherpa do mar, AQUA_INNOVA, OPEN_INNOFOOD, SEATALK. As institucións académicas entenden neste intre como prioritario reforzar a identificación de novos proxectos que permitan potenciar a rexión Norte de Portugal e Galicia, tendo en conta as fortalezas e oportunidades deste clúster transfronteirizo.

Pola súa banda, no ámbito do ensino e a mobilidade, ademais de analizar programas conxuntos como ANGLE, Erasmus Mundos DREAM e Iacobus, as e os participantes no cumio analizaron novos modelos para accións integradas, dirixidas aos 1º, 2º e 3º ciclo de formación, así como novos proxectos que potencien a mobilidade de persoal docente, investigador e de administración e servizos.

Maior colaboración en proxectos de empregabilidade, infraestruturas e captación de parceiros

No cumio celebrado hoxe as universidades de Vigo e Porto tamén acordaron reforzar a importancia e estreitar a colaboración en proxectos de empregabilidade, como é ocaso da feira de emprego Finde.U, así como en infraestruturas científico-tecnolóxicas e na captación de empresas e parceiros que reforcen a competitividade na rexión Galicia-norte de Portugal.

As sinerxías entre as ambas dúas universidades xorden no contexto do Plan de Investimentos Conxuntos da Euro Rexión Galicia-norte de Portugal 2014-2020, desenvolvido pola CCDR-N e pola Xunta de Galicia e do Interreg España-Portugal 2014-2020, anterior Poptec. Ambos abarcan, entre outras cuestións, o reforzo da investigación, o desenvolvemento tecnolóxico e da innovación en ambos mercados, no sentido de potenciar a competitividade das pequenas e medianas empresas, un obxectivo para o que resulta fundamental a cooperación entre universidade e empresa, promovendo o emprendemento e o espírito empresarial na rexión transfronteiriza.
< Ant.   Seg. >

Duvi. Diario da Universidade de Vigo. | Contacta con nós