DUVI. Diario da Universidade de Vigo
Cabeceira
Luns, 26 de xuño do 2017

Destaca que a prevención é fundamental, xa que unha vez colonizado un hábitat, a erradicación é imposible

A ameixa asiática xa colonizou 197 km augas arriba dende a desembocadura na conca Miño-Sil

Noé Ferreira analiza as características ecolóxicas da 'Corbicula fluminea' para axudar no control desta invasora


ImageUnha vez que a ameixa asiática, Corbicula fluminea, coloniza un hábitat, a súa erradicación é imposible. Por iso, é na educación, na concienciación, na prevención e no control onde a comunidade científica reclama atención. Esta especie invasora está presente en Galicia dende 1989, cando se identificou por primeira vez no río Miño e na actualidade pódese atopar tamén noutros ríos, como o Ulla ou o Sil. O investigador da Universidade de Vigo Noé Ferreira leva tres anos analizando o seu patrón e velocidade de dispersión, así como as características ecolóxicas que poidan ser aplicadas na xestión, prevención e control desta especie exótica en Galicia. As conclusións do seu estudo recóllense na súa tese de doutoramento, dirixida pola catedrática de Ecoloxía Isabel Pardo, dentro do programa de doutoramento Marine Science, Technology and Management, Do*Mar.

Duvi. Diario da Universidade de Vigo. | Contacta con nós