DUVI. Diario da Universidade de Vigo
Inicio arrow Campus de Ourense
Venres, 24 de febreiro do 2017

O partido será o sábado 18 de marzo

As seleccións de fútbol gaélico de Galicia e Francia enfrontaranse nas instalacións do campus

Xogarán un amigable as categorías tanto masculina como feminina


ImageO sábado 18 de marzo, o campo de rugby do campus de Ourense acollerá un enfrontamento entre as seleccións de fútbol gaélico de Galicia e Francia. Será un amigable no que participarán tanto as categorías masculina como feminina. A acollida desta cita, destacan desde o Auriense FG, o equipo creado no campus de Ourense pola Asociación Universitaria de Ciencias da Educación AUCE, supón un empuxe á aposta que se está facendo nos últimos anos na cidade de Ourense por este deporte. A súa celebración, indican, contribuirá á difusión deste deporte e permitirá aos xogadores e xogadoras da selección galega medirse cos dunha selección como a de Francia.
Venres, 24 de febreiro do 2017

O campus de Ourense uniuse este venres á homenaxe á escritora galega no seu día

Reivindicando a Rosalía de Castro, reivindicando a cultura galega

Entre as actividades realizadas estivo a presentación de 29 videopoemas sobre a súa obra


ImageDesde o ano 2011, a Asociación de Escritoras e Escritores en Lingua Galega celebra cada 24 de febreiro, coa implicación de todo tipo de entidades, o Día de Rosalía de Castro, co obxectivo de transmitirlle á sociedade a importancia da figura desta escritora no ámbito sociocultural galego. Uníndose a esta iniciativa, o campus de Ourense, ao igual que o fixeron ao longo da semana os campus de Vigo e Pontevedra, desenvolveu un amplo abano de actividades que tiveron como obxectivo reivindicar a vixencia de Rosalía de Castro e da cultura galega. “Rosalía conseguiu unirnos como pobo, que nos identificásemos coa súa obra, e hoxe en día son moitas as voces que seguen xuntándose ao seu redor”, subliñou Isabel Mociño, docente da Facultade de Ciencias da Educación promotora desta homenaxe.
Venres, 24 de febreiro do 2017

O centro organiza un ciclo de conferencias protagonizado por algúns dos seus 2174 egresados

Enxeñaría Informática conmemora 25 anos de historia poñendo en valor o talento forxado nas súas aulas

Jorge Vázquez, fundador e presidente de Redegal, foi o encargado de ofrecer a primeira das charlas


ImageA Escola Superior de Enxeñaría Informática do campus de Ourense cumpre este curso académico 25 anos de historia e para conmemoralo organiza o ciclo de conferencias #TalentoESEI, no que se convidará a algúns dos 2174 egresados e egresadas formados no centro a volver a el para expor a súa traxectoria profesional e falar dos eidos nos que desenvolven o seu traballo. A primeira das intervencións tivo lugar este xoves a cargo do ourensán Jorge Vázquez, fundador, presidente e CEO de Redegal, que falou do que considera as claves do éxito profesional: a dedicación e a constancia.
Xoves, 23 de febreiro do 2017

Un proxecto busca recuperar a memoria desta tradición oleira desaparecida nos anos 40

Unha segunda vida para a louza de Bamio

Trátase dunha iniciativa da Asociación de Mulleres Rurais da zona e de Beatriz Comendador


ImageNa parroquia de San Xinés de Bamio, no Concello de Vilagarcía de Arousa, houbo unha importante tradición oleira, concretamente de louza, coñecida a través de documentos históricos, arqueolóxicos e testemuñas pero perdida desde finais dos anos 40. O Grupo de Estudos de Arqueoloxía, Antigüidade e Territorio da Universidade de Vigo, con Beatriz Comendador ao fronte, e a Asociación de Mulleres Rurais da zona están a desenvolver o Proxecto Louceiros de Bamio. O seu obxectivo é “recuperar a memoria oral compartida desta parroquia para conservar e revitalizar aspectos que, xuntamente coa memoria dos coñecidos como louceiros, teñen conformado a nosa cultura”.
Xoves, 23 de febreiro do 2017

A cita consistirá nunha xornada de portas abertas o 22 de marzo

O campus celebrará o Día Mundial da Auga con escolares das provincias de Ourense e Pontevedra

Co prazo de inscrición aínda aberto, son xa máis de 200 os estudantes apuntados


ImageDesde a posta en marcha do proxecto de especialización do campus de Ourense como Campus da Auga, cada ano o 22 de marzo, declarado polas polas Nacións Unidas como o Día Mundial da Auga, convértese nun día de celebración nas instalacións universitarias ourensás. Este ano, o campus volverá a abrir as súas portas a estudantes de Educación Secundaria Obrigatoria e Bacharelato das provincias de Ourense e Pontevedra. Co gallo desta conmemoración, tamén se convida aos escolares a participar nun concurso de fotografía sobre os recursos hídricos. O prazo para inscribirse a calquera destas dúas actividades está aberto ata o 15 de marzo.
Mércores, 22 de febreiro do 2017

A Escola Superior de Enxeñaría Informática acolleu este mércores a School Developers Parade #Ourense

Aprendendo en comunidade a manexar a última tecnoloxía

Coa asistencia de máis dun centenar de estudantes e profesionais


ImageGoogle Developers Group Ourense e a Escola Superior de Enxeñaría Informática do campus organizaron este mércores o taller High School Developers Parade #Ourense. Máis dun centenar de estudante e profesionais puideron coñecer nesta cita como funcionan as comunidades de desenvolvedores e que é o que lles poden achegar á súa formación tecnolóxica. Nun sector como o da informática, que avanza a un ritmo frenético, apuntaron os relatores, o traballo e o estudo en comunidade permite "acelerar e complementar" a formación tradicional.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 3526

Duvi. Diario da Universidade de Vigo. | Contacta con nós