DUVI. Diario da Universidade de Vigo
Inicio arrow Campus de Pontevedra
Luns, 20 de febreiro do 2017

A investigadora arxentina Cecilia Perea reflexiona sobre a performance na Casa das Campás

Da Patagonia a España, tralas pegadas da arte do aquí e o agora

A docente presenta o libro que recolle o seu estudo da arte de acción no espazo público entre 1992 e 2010


Image“Nos seus inicios, a performance propúñase como unha acción efémera da que non quedaban nin rexistros nin pegadas”, salienta a investigadora da Universidad Nacional de la Patagonia Austral María Cecilia Perea, quen presenta na Casa das Campás o libro no que fai balance da súa investigación respecto da arte de acción que se desenvolveu no espazo público en España entre 1992 e 2010. “Cando iniciamos esta investigación, non atopamos estudos previos dedicados á performance no espazo público”, recoñece Perea, que afonda no seu libro nun período no que a arte de acción “se consolida en España como un campo de creación, investigación e produción”.
Luns, 20 de febreiro do 2017

Guiará a dez estudantes na realización de pezas que relacionen o Lérez coa figura humana

O premiado cineasta Oliver Laxe impartirá un obradoiro no campus

O taller forma parte do programa do festival Novos Cinemas, no que se exhibirán as curtas resultantes


ImageGañador o pasado ano, coa súa película Mimosas, do gran premio da Semana da Crítica de Cannes, onde xa fora premiado pola súa primeira longametraxe, Todos vós sodes capitáns, Oliver Laxe retornará en abril ao campus no que comezou os seus estudos, que posteriormente completou na Universitat Pompeu Fabra. O cineasta galego será o encargado de titorizar aos dez estudantes que participen en Correntes, un obradoiro formativo inserido na segunda edición do festival Novos Cinemas, que exhibirá as pezas resultantes dun taller que levará ao alumnado a pór en relación o río Lérez coas persoas que o transitan e viven na súa contorna.
Venres, 17 de febreiro do 2017

CCSS e da Comunicación acolle unha nova edición do taller ‘Fala. Oratoria e comunicación’

Para mellorar as dotes oratorias hai que poñer o chándal

Inserido na programación de obradoiros da Vicerreitoría, céntrase no uso de técnicas teatrais e de clown


Image“Nos días previos ao inicio do taller, sempre envío un correo aos alumnos pedíndolles que sexan puntuais e veñan con roupa e calzado deportivo e iso rómpelles os esquemas...”, apunta Alberto Rosell, responsable do obradoiro Fala. Oratoria e Comunicación, que, no marco da programación de obradoiros de Extensión Cultural do campus, busca mellorar as dotes comunicativas dos e das asistentes. E de facelo ademais a través do traballo das emocións e da desinhibición, a través dunha serie de exercicios e dinámicas grupais que os levan a saltar, rir, suar e mesmo cantar nas sesións que se veñen desenvolvéndo ao longo deste mes en Ciencias Sociais e da Comunicación.
Venres, 17 de febreiro do 2017

O vicerreitor do campus de Pontevedra mantivo unha xuntanza co alcalde e os responsables do festival

Universidade e FIC Bueu exploran vías de colaboración

O obxectivo é asinar un convenio que permita ao alumnado realizar prácticas neste evento audiovisual


ImageTraballar nun convenio que permita que o alumnado poida realizar prácticas en diversas áreas do Festival Internacional de Curtametraxes de Bueu. Este é o compromiso xurdido da xuntanza que o vicerreitor do campus de Pontevedra, Juan Manuel Corbacho, e o profesor da Facultade de Ciencias Sociais e da Comunicación Alfonso Sola veñen de manter co alcalde, Félix Juncal, e edil de Cultura, Juan Carlos Eirea, desta localidade, xunto cos responsables deste evento audiovisual. “Isto ofrecería a alumnado de facultades como CCSS e da Comunicación ou Belas Artes a posibilidade de vivir de preto un festival en todas as súas facetas”, salientou o vicerreitor.
Venres, 17 de febreiro do 2017

A exposición 'Tecido Cru' reúne as creacións realizadas por 29 estudantes da titulación

Esdemga afonda nos principios construtivos do deseño na igrexa da USC

A mostra reúne unha escolma de proxectos elaborados a partires de tecidos carentes de cores


ImageAmosar e facer lexibles os fundamentos do deseño, pero tamén defender o proceso de construción dun vestido como un obxecto poético. Estas dúas ideas conflúen en Tecido Cru, o proxecto expositivo que reúne unha serie de traballos realizados polo alumnado de Esdemga a partires de tecidos nus, carentes de cores ou estampados. Un proxecto comisariado polas profesoras e investigadoras do grupo DX7 Lola Dopico e Cristina Varela que hai poucas semanas despedía a súa segunda edición na Casa Galega da Cultura de Vigo para agora viaxar ata a Igrexa da Universidade de Santiago de Compostela.
Xoves, 16 de febreiro do 2017

José María Nuñez deseñou na súa tese un modelo de medición con dispositivos de baixo custo

Un investigador do CUD desenvolve un sistema de telemetría que mellora as imaxes radar de barcos en movemento

O prototipo permite trasladar en tempo real datos sobre o movemento e posición dunha embarcación


ImageAo igual que unha fotografía pode perder definición se o suxeito que sae nela se move no momento de realizala, as imaxes electromagnéticas que xeran os radares de alta resolución de embarcacións que se atopan en movemento tamén presentan unha serie de distorsións que dificultan a súa detección. Desenvolver un sistema de telemetría de baixo custo que, a través da colocación de diferentes dispositivos nunha embarcación, permita obter unha imaxe nítida desta desde un radar centrou a investigación que José María Nuñez, profesor do Centro Universitario da Defensa (CUD), da Escola Naval Militar de Marín, centro adscrito á Universidade de Vigo, desenvolveu para a súa tese de doutoramento, “un estudo multidisciplinar que englobou múltiples tecnoloxías e campos”.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 3106

Duvi. Diario da Universidade de Vigo. | Contacta con nós