DUVI. Diario da Universidade de Vigo
Inicio arrow Campus de Pontevedra
Venres, 29 de xullo do 2016

A cita será os días 23 e 24 de setembro de 2016

36 proxectos de emprendemento de España e Portugal participarán en Pont-Up Store 2016

Entre as iniciativas escollidas hai unha ampla presenza de empresas de base tecnolóxica


ImagePor terceiro ano consecutivo, a cidade de Pontevedra acollerá os días 23 e 24 de setembro Pont-Up Store, unha iniciativa organizada pola Universidade de Vigo xunto co Concello que aspira a consolidarse como evento de referencia do novo emprendemento en Galicia. Despois de recibir un total de 115 solicitudes para participación nesta edición 2016 (87 para a modalidade de stand e 28 para actividades de dinamización), a organización escolleu 36 proxectos de España e Portugal para ter presenza na carpa que se instalará os días de celebración na Praza de España. Preto dun 70% das candidaturas teñen base en Galicia e menos dun terzo na cidade de Pontevedra.
Venres, 29 de xullo do 2016

O xurado seleccionou as mellores pezas de entre as 120 presentadas

Basilisa Fiestras, María Maquieira, Diego Vites e Olmo Cuña, premiados coas bolsas Novos Valores 2016


Image Basilisa Fiestras coa escultura Lentes, María Maquieira co debuxo El boceto ampliado, Diego Vites coa pintura Historiografía Tigua (sen xesta) e Olmo Cuñas co vídeo Die sonne auf der Pfaueninsel son os premiados coas bolsas do certame Novos Valores 2016. O xurado considerou que a obra presentada, xunto coa súa proposta de investimento para bolsa de estudos artísticos que concede a Deputación, así como a súa traxectoria e currículo eran merecedores do máximo recoñecemento entre as 120 pezas presentadas a esta edicion do concurso. As catro obras premiadas recibirán unha bolsa de 7.500 euros para estudos artísticos.
Venres, 29 de xullo do 2016

A investigadora Blanca González analizou na súa tese a escenografía de diferentes obras das vangardas

Cando as artes confluíron sobre o escenario

A comezos do século XX, sinala, o teatro converteuse nun “espazo de confrontación” entre disciplinas


ImageCon obras nas que a escenografía correu a cargo de artistas como Malevich, Leon Bakst ou Picasso, as vangardas fixeron do teatro, a comezos do pasado século, “unha disciplina de grande importancia para o desenvolvemento da plástica e un espazo de confrontación e absorción das diferentes ramas artísticas”, como conclúe a investigadora Blanca González. Co propósito de afondar en como se trasladan á plástica, dentro do teatro de vangardas, unha serie de “espazos de evasión” que se foron configurando ao longo do século XIX, González Crespán analizou para a súa tese de doutoramento a escenografía de cinco obras teatrais.
Mércores, 27 de xullo do 2016

Comezou en Catoira un curso que aborda o trastorno desde os ámbitos social e educativo

Formación para minimizar os problemas derivados do TDAH

Organizado pola Universidade de Vigo e o concello, está dirixido por Manuel Isorna



Image Preto de 40 persoas participan desde hoxe a ata o vindeiro venres no salón de actos do Concello de Catoira no curso de extensión universitaria Abordaxe do trastorno por déficit de atención e hiperactividade (TDAH) dende os ámbitos educativo e social. Dirixido polo docente e investigador da Facultade de Ciencias Xurídicas e do Traballo Manuel Isorna, o curso, que conta coa participación de profesionais especializados no tratamento do TDAH, céntrase na análise en profundidade dos problemas de atención, organización, planificación e funcións executivas que presentan tanto os nenos e nenas como os adultos e adultas con TDAH, así como os problemas pedagóxicos máis comúns nos pequenos co trastorno.
Martes, 26 de xullo do 2016

A investigadora Fátima Presas estudou na súa tese a repercusión mediática de Miquel Barceló

Cando o artista se converte en marca

Sostén que esta “construción social” permite diferenciar a súa obra respecto do resto


Na sociedade de consumo contemporánea, un bo uso da comunicación e da publicidade “inflúe de maneira determinante na proxección que alcance a carreira dun artista contemporáneo e na súa consolidación como marca”. Esta é unhas das principais conclusións que a investigadora Fátima Presas recolle na súa tese de doutoramento tras afondar, centrándose no caso de Miquel Barceló, en como os medios de comunicación xogan un papel determinante na “validación social do artista contemporáneo”. Na súa investigación, Presas aborda a importancia dos medios e do márketing cultural á hora de facer do artista unha marca, “unha construción social” definida pola súa “carga simbólica”, que outorga diferenciación á súa obra, así como recoñecemento social ao seu creador ou creadora.
Xoves, 21 de xullo do 2016

Segundo os datos do informe anual elaborado pola Escola de Enxeñaría Forestal e Confemadera Galicia

A industria galega da madeira e do moble facturou 1941 millóns de euros en 2015, un 11,2% máis ca en 2014

Máis de 80.000 familias recibiron 300 millóns por venta de madeira nun ano récord de cortas


ImageA industria galega da madeira e do moble facturou 1941 millóns de euros no 2015, o que supuxo un incremento do 11,2% respecto a 2014. Son as cifras globais dun sector que xera en Galicia uns 70.000 postos de traballo e no que 2015 supuxo un ano de récords en múltiples factores, entre eles, o volume de cortas: 8,25 millóns de metros cúbicos, o mellor rexistro desde 1996. Estas son só algunhas das cifras que se recollen no Informe de Resultados da Industria da madeira e o moble de Galicia, un traballo que, tras múltiples anos de colaboracións puntuais, foi elaborado por primeira vez de xeito conxunto entre docentes da Escola de Enxeñaría Forestal e a Confederación Galega de Empresarios da Madeira, Confemadera Galicia.
O informe, tal e como se explicou durante a súa presentación, busca caracterizar o resultado do ano xa rematado, comparado cos anos anteriores e co contexto, tanto español como internacional.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 2905

Duvi. Diario da Universidade de Vigo. | Contacta con nós