DUVI. Diario da Universidade de Vigo
Inicio arrow Investigación
Mércores, 07 de decembro do 2016

Mercedes Varela estudou na súa tese como potenciar a formación dos futuros docentes nesta materia

Un mundo sostible precisa dunha educación ambiental transformadora

O estudo de actitudes realizado permitiu detectar “tendencias acríticas” entre o futuro profesorado


Image“Temos feito grandes avances na conciencia social dos problemas ambientais, pero pouco na consecución de formas de vida sostibles”, sostén a investigadora da Facultade de Ciencias da Educación e do Deporte Mercedes Varela. Mudar esta situación, explica, pasa por potenciar unha “educación ambiental de carácter transformador”, definida polo seu enfoque transversal e o fomento “da participación, da reflexión e do pensamento crítico”. Estudar como desenvolver unha educación ambiental que proporcione ao alumnado esa “competencia para acción” a prol dun desenvolvemento sostible constituíu o obxectivo central da tese de doutoramento de Varela Losada, que a través das enquisas realizadas a estudantes de Educación Infantil e Educación Primaria constatou unha “importante tendencia” do futuro profesorado a contemplar a educación ambiental como “un tema pouco prioritario”.
Mércores, 07 de decembro do 2016

O Grupo de Investigación en Análise Macroeconómica desenvolve un proxecto financiado polo Mineco

Na procura dunha explicación da orixe das disparidades entre países nos procesos de cambio da estrutura sectorial e do crecemento económico

Tamén estudan a contribución das disparidades ás diferenzas nas rendas per cápita


Image Desde o ano 2002 o Grupo de Investigación en Análise Macroeconómica da Universidade de Vigo traballa no estudo e caracterización do proceso de desenvolvemento experimentado polas economías ao longo da historia co obxectivo de cualificar os determinantes das grandes diferenzas observadas nas rendas per cápita entre países e, polo tanto, tratar de deseñar as políticas económicas que garantan un proceso de converxencia nesas rendas. Con financiamento do Ministerio de Economía y Competitividad, o proxecto Cambio estrutural e crecemento económico ao longo do proceso de desenvolvemento económico, liderado por Jaime Alonso, continuará a afondar nesta liña de traballo, nesta ocasión co obxectivo de analizar o comportamento da estrutura sectorial da actividade económica ao longo do proceso de crecemento e desenvolvemento económico.
Luns, 05 de decembro do 2016

Como co-autor dun artigo que analiza a xestión estratéxica na área do Báltico

Os 'Emerald Literati Awards for Excellence' recoñecen o traballo do profesor Miguel González Loureiro

O traballo do investigador de Ecobas foi publicado na revista 'Baltic Journal of Management'


ImageOs premios Emerald Literati Awards for Excellence que outorga o grupo editorial Emerald recoñecen na convocatoria de 2016 o traballo do profesor do Departamento de Organización de Empresas e Mercadotecnia e membro da agrupación estratéxica Ecobas Miguel González Loureiro. O investigador foi galardoado co Highly commended paper 2016 por un artigo publicado na revista Baltic Journal of Management que fai unha análise comparativa e de contido sobre a investigación na xestión estratéxica na área do Báltico. Estes galardóns entréganse dende hai máis de 20 anos e que premian os mellores artigos publicados en cada unhas das revistas que forman parte deste grupo editorial.
Venres, 02 de decembro do 2016

O Grupo de Aerobioloxía e Apicultura é o encargado cada ano de analizar as características do seu pole

A orixe botánica do Mel de Galicia compróbase na Universidade

A iniciativa realízase ao abeiro dun convenio co consello regulador desta indicación xeográfica protexida


ImageCon 30.952 colmeas pertencentes a 410 apicultores e un volume de produción próximo ás 620 toneladas, a Indicación Xeográfica Protexida Mel de Galicia é a de maior volume no ámbito español. O seu Consello Regulador é o organismo encargado de controlar, amparar e certificar este Mel de Galicia, identificando coa contraetiqueta correspondente que cumpre con todos e cada un dos requisitos de calidade recollidos no seu regulamento. Este regulamento marca, entre outras cuestións, os requisitos que debe cumprir este produto en canto á súa orixe xeográfica e botánica e ás características melisopalinolóxicas, é dicir, referidas ao pole. Desde o ano 1999, o Grupo de Aerobioloxía e Apicultura da Universidade de Vigo é o encargado de analizar nos seus laboratorios na Facultade de Ciencias do campus de Ourense o pole deste mel e corroborar a súa procedencia.
Xoves, 01 de decembro do 2016

O campus de Pontevedra acolleu a inauguración do primeiro congreso sobre esta disciplina en España

Fronte a estereotipos, tres días para avanzar cara os novos camiños da arte de acción

O arranque do evento completouse con catro accións na rúa do alumnado de Belas Artes


ImageEstá a práctica da arte de acción esgotada ou caendo en estereotipos? Esta foi a pregunta que serviu como punto de partida para a organización de Fugas e Interferencias, o primeiro congreso sobre performance que se desenvolve en España e que este xoves se inauguraba na Casa das Campás. A sede da Vicerreitoría do campus e o CGAC, son as dúas sedes dun congreso que reúne a máis de 30 investigadores, artistas e estudantes de diferentes partes de España co propósito de “abrir unha reflexión desde a práctica e desde a teoría sobre os posibles novos camiños da arte de acción”, como sinalou o profesor de Belas Artes Carlos Tejo.
Xoves, 01 de decembro do 2016

A botadura do barco autónomo robotizado máis grande de Europa tivo lugar este xoves en Bouzas

A ría de Vigo, banco de probas para o primeiro drone mariño desenvolvido integramente en España

A tecnoloxía deste prototipo é froito do traballo de Industrias Ferri, Universidade de Vigo e Cimne


ImageCon 12 metros de eslora, catro toneladas de peso, dous motores de 300 cabalos e unha tecnoloxía punteira, o primeiro barco autónomo robotizado creado en España comeza a partir deste xoves a súa fase de probas na ría de Vigo. Hoxe tivo lugar a botadura da lancha semirríxida Victoria, prototipo do proxecto Ulises, no que están implicados Industrias Ferri, o Grupo de Deseño e Automatización de Sistemas Avanzados (DASA) da Universidade de Vigo e o Centro Internacional de Métodos Numéricos en Ingeniería (Cimne). O obxectivo desta iniciativa, financiada polo Ministerio de Economía e Competitividade, dentro do Programa Estatal de Investigación, Desenvolvemento e Innovación Orientada aos Retos da Sociedade, é deseñar e testar a tecnoloxía necesaria para converter calquera embarcación nun barco autónomo robotizado, que poida navegar sen necesidade de tripulación.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 2075

Duvi. Diario da Universidade de Vigo. | Contacta con nós