DUVI. Diario da Universidade de Vigo
Inicio arrow Deportes arrow Campus Ourense
Luns, 16 de xaneiro do 2017

Os ourensáns acadaron un marcador final de 10 a 28 fronte ao UBU Colina Clinic

O equipo de rugby do campus caeu ante o líder do seu grupo

As categorías feminina e masculina de baloncesto sumaron cadansúa vitoria esta fin de semana


ImageO Campus Universitario Ourense Coosur recibiu esta fin de semana a visita do primeiro clasificado e líder invicto do seu grupo na División de Honra B do rugby estatal, o UBU Colina Clinic. Os ourensáns víronse superados polo xogo do equipo de Burgos, que gañou o encontro por un marcador final de 10 a 28. A próxima semana os universitarios enfrontaranse a Durango RT. Pola contra, as categorías feminina e masculina de baloncesto retomaron a actividade despois das vacacións de Nadal sumando esta fin de semana cadansúa vitoria nos encontros disputados.
Xoves, 12 de xaneiro do 2017

As obras de ampliación permítenlle dispoñer de 850 metros cadrados máis para actividades

AQA Ourense abre as súas novas instalacións co obxectivo de ser un referente para a práctica deportiva na cidade

Os responsables do centro salientan a calidade do equipamento instalado


ImageDespois de arredor de case un ano de obras, AQA Ourense Universitaria vén de rematar a ampliación das súas instalacións no campus de Ourense, que foron inauguradas este xoves. Coincidindo co seu oitavo aniversario, o centro preséntase ante os seus máis de 2000 usuarios e usuarias, tanto membros da comunidade universitaria como cidadáns en xeral, con novos espazos e equipamentos cos que aspira a ser non só un referente na cidade no eido da práctica deportiva en auga senón tamén do exercicio físico en xeral.
Martes, 10 de xaneiro do 2017

Este sábado retómase a programación de rutas culturais da Universidade de Vigo

Unha andaina por Salcedo para comezar con bo pé o novo ano

Neste segundo cuadrimestre celebraranse sete percorridos pola xeografía galega


ImageDespois dos excesos típicos das festas Nadal, é momento de volver a retomar a actividade física. A programación de rutas culturais que cada curso organiza a Área de Benestar, Saúde e Deporte da Universidade de Vigo arranca 2017 este sábado, día 14 de xaneiro, coa Ruta Salcedo no Tempo. Esta andaina é unha das iniciativas do proxecto de dinamización do espazo etnográfico e arqueolóxico que se está levando a cabo no Val de Tomeza e Salcedo e que ten como obxectivo a recuperación, divulgación e dinamización do patrimonio deste enclave. A organizacion agarda a participación de entre 60 e 70 persoas procedentes dos tres campus da Universidade de Vigo.
Martes, 20 de decembro do 2016

A esta cifra hai que engadir os usuarios que se achegaron aos seus postos para facer consultas puntuais

Os Martes Saudables atenderon este cuadrimestre arredor de 300 membros da comunidade universitaria

O vindeiro ano volverá a celebrarse unha nova edición desta iniciativa


ImageUn curso máis este cuadrimestre os postos informativos dos Martes Saudables percorreron os tres campus da Universidade de Vigo fomentando os bos hábitos de vida entre os membros da comunidade universitaria. Rematada a súa celebración, os seus promotores fan unha balance moi positivo desta edición. Arredor de 300 persoas realizaron o percorrido completo polas diferentes áreas de saúde que se abordan nos seus postos e cubriron a enquisa que se realiza neles. A esta cifra hai que engadir as persoas que fixeron consultas puntuais e que non seguiron todo o percorrido proposto polos monitores.
Luns, 19 de decembro do 2016

O marcador final foi 29-10

O Campus Ourense Coosur imponse ao Kaleido Universidade Vigo no último encontro do ano

O equipo de baloncesto sumou unha derrota contra o PBB B


ImageA competición en 2016 rematou este sábado para os equipos de rugby da Universidade de Vigo que compiten na División de Honra B do rugby estatal cun enfrontamento entre eles. O Campus Universitario Ourense Coosur recibiu nas súas instalacións ao Kaleido Universidade Vigo RC, gañando o encontro por un marcador final de 29 a 10. Seguindo a tradición dos últimos anos, durante o encontroxogadores e afeccionados doaron alimentos para a Operación Quilo que leva a cabo a Asociación Amencer. Polo que respecta aos demais os equipos do campus de Ourense, tamén disputou encontro de liga o equipo masculino de baloncesto, que perdeu contra o PBB B.
Luns, 12 de decembro do 2016

O equipo gañou ao Real Oviedo Rugby por un marcador de 46(B)-7

O Campus Universitario Ourense Coosur volve na casa á senda da vitoria

Os xogadores de baloncesto sumaron unha derrota contra Peleteiro


ImageO Campus Universitario Ourense Coosur mantén a súa dinámica de maioría de vitorias na casa e derrotas fóra dela. Esta fin de semana o equipo disputou nas instalacións universitarias a xornada número once da División de Honra B do rugby estatal contra o Real Oviedo Rugby, gañando o encontro por un contundente marcador de 46(B)-7. Pola súa banda, os xogadores de baloncesto sumaron unha nova derrota na segunda división de baloncesto, neste caso contra Peleteiro. “O partido foi de claro dominio de principio a fin por parte dos locais, con bo traballo en defensa e grande acerto en ataque”, explican desde o club de rugby ourensán.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 471

Duvi. Diario da Universidade de Vigo. | Contacta con nós