DUVI. Diario da Universidade de Vigo
Cabeceira
Martes, 24 de outubro do 2017

90 expertos afondarán nos avances e retos, con especial atención as toxinas emerxentes

Baiona convértese desde hoxe na capital mundial do estudo das metodoloxías analíticas para as biotoxinas acuáticas

O simposio acada a sexta edición, organizado polo Departamento de Química Analítica e Alimentaria


ImageOs avances e retos actuais no desenvolvemento de metodoloxías analíticas, non só para as biotoxinas acuáticas existentes, senón tamén para as novas toxinas emerxentes a consecuencia de diversos factores relacionados co cambio climático, centran desde hoxe a ata o vindeiro mércores a sexta edición do International Symposium Marine and Freshwater Toxins Analysis. Organizado polo Departamento de Química Analítica e Alimentaria da Universidade de Vigo, o simposio “céntrase de maneira específica na análise de biotoxinas acuáticas, mariñas e augas doces”, explica a docente e investigadora Ana Gago, que tamén dirixe o Laboratorio de referencia da Unión Europea para biotoxinas mariñas. Preto de 90 expertas e expertos internacionais en análise de biotoxinas acuáticas participan no congreso, que se desenvolve no hotel Talaso Atlántico de Baiona.

Duvi. Diario da Universidade de Vigo. | Contacta con nós