DUVI. Diario da Universidade de Vigo
Inicio arrow Campus de Vigo
Luns, 18 de setembro do 2017

O proxecto Dockside, coordinado pola Université de Nantes, colabora coas institucións do país asiático

Vigo asesorará as universidades de Cambodja na posta en marcha de programas de doutoramento do eido mariño

Unha delegación de reitores e investigadores visita esta semana o campus


ImageA experiencia da Universidade de Vigo no eido mariño, tanto dende o punto de vista científico como de xestión económica e xurídica, servirá como guía para a posta en marcha de programas de doutoramento en Cambodja que conduzan a mellorar a calidade e relevancia da educación superior deste país. Esta colaboración enmárcase no proxecto Dockside, que coordina a Université de Nantes, e do que forman parte as universidades de Vigo e Syddansk (Dinamarca) e, por parte de Cambodja, o Ministerio de Educación, Xuventude e Deportes, a Universidade Nacional de Administración, a Real Universidade de Dereito e Economía, a Real Universidade de Agricultura e a Universidade de Battambang. O proxecto arrancou en outubro de 2016 e estenderase ata 2019 e, tras varias xuntanzas no país asiático, esta semana unha delegación cambodjana visita o campus de Vigo.
Luns, 18 de setembro do 2017

Impúxose ao equipo coruñés grazas a un ensaio no último minuto

O Kaleido Universidade de Vigo estrea a liga gañando o derbi ante o CRAT da Coruña

A próxima fin de semana o VigoRugby recibirá ao Eibar a un ensaio no último minuto


ImageTras o parón estival, o Kaleido Universidade de Vigo de Rugby non puido empezar mellor a liga, que xogando un derbi ante o seu eterno rival, o CRAT da Coruña, e acadando a vitoria, aínda que fose grazas a un ensaio no último minuto. Cun agradable ambiente nas gradas de Elviña, calquera dos dous equipos puido facerse coa vitoria pero Maka Tatafu, autor de tres dos catro ensaios do equipo vigués, selou a remontada do Universidade de Vigo nun partido que, pese a rematar a primeira parte 19-5 a favor do equipo local, chegou ao final cun favorable 19-22.
Venres, 15 de setembro do 2017

Baixo a coordinación de Beatriz Mouriño, do Grupo de Oceanografía Biolóxica e Enrique Nogueira do IEO

Investigadores da Universidade, IEO e CSIC estudan os mecanismos de formación de mareas vermellas

O proxecto Remedios trata de determinar o papel da turbulencia no crecemento do fitoplancto tóxico nas rías


ImageInvestigadores e investigadoras da Universidade de Vigo, o Instituto Español de Oceanografía e o Consejo Superior de Investigaciones Científicas desenvolven o proxecto científico Remedios (RolE of Mixing on phytoplankton bloom initiation, maintEnance and DIssipatiOn in the galician ríaS, ) que ten como finalidade determinar o papel da turbulencia no crecemento do fitoplancto tóxico que provoca as mareas vermellas nas rías galegas. O estudo, financiado polo Ministerio de Economía e Competitividade arrancou a comezos de 2017 e desenvolverase ata finais de 2019, coordinado polos investigadores Beatriz Mouriño, do Grupo de Oceanografía Biolóxica da Universidade, e Enrique Nogueira, do IEO-Vigo. Xunto con estes organismos, forman parte do proxecto o Intecmar, a Universidade de Southamptom, o Ifremer (Francia) e o Scripps Institution of Oceanography (EEUU).
Venres, 15 de setembro do 2017

Coa organización dun taller aberto ao público

Enxeñaría de Minas súmase á celebración do Día Europeo dos Minerais

A cita será o venres 22 e sábado 23 nas instalación da escola


ImageA Escola de Enxeñaría de Minas súmase este ano á celebración do Día Europeo dos Minerais coa organización dun taller co que darlle a oportunidade á sociedade de Vigo e a súa contorna de aprender a identificar de xeito rápido e sinxelo os minerais máis comúns da natureza a partir das súas propiedades físicas. Será o venres 22 e sábado 23 de setembro, coincidindo coa realización de múltiples eventos salpicados por toda Europa (portas abertas, visitas guiadas a minas e espazos rehabilitados, demostracións de seguridade...) e con el iniciarase unha nova oferta de talleres a través dos que se vertebrarán diferentes actividades de divulgación científica.
Venres, 15 de setembro do 2017

A astrofísica Ana Ulla comisaría unha mostra paralela ao congreso internacional 'Road to the Stars'

Exoplanetas, galaxias, cometas e cúmulos danlle unha nova vida aos obxectos reciclados

'Astrovaqueiros e cousas' poderá visitarse a partir do vindeiro luns no claustro de Fonseca en Santiago


Image Exoplanetas á vista é unha obra realizada con técnica mixta, incluíndo tapas metálicas, coiro, pedras e vidros, así como pinturas acrílicas e vernices. Astro-bluejeans&things, pola súa banda, presenta varias prendas de tecido vaqueiro modernizadas con deseños astronómicos pintados a man. No caso de Os soños da Vía Láctea, unha mesa de noite restaurouse pintándoa a man. Estas son tres da ducia de obras que integran a exposición "astronómicoartística" Astrovaqueiros&cousas. Unha nova vida astronómica para vellos vaqueiros: o Universo debuxado e pintado aquí na Terra, un planeta que recicla, que o vindeiro luns,18 de setembro, abrirá as súas portas en Santiago de Compostela.
Xoves, 14 de setembro do 2017

O centro foi o responsable de informar das condicións do mar en múltiples probas

Torallamar consolídase como observatorio de referencia en eventos náuticos celebrados nas Rías Baixas

Levan máis de catro anos ofrecendo medidas en tempo real de datos meteorolóxicos e oceanográficos


ImageO portal de información oceanográfica e meteorolóxica Torallamar, desenvolvido polo Grupo de Oceanografía Física e persoal do Centro de Investigación Mariña da Universidade de Vigo, consolidouse este verán como observatorio de referencia para as travesías a nado de longa distancia celebradas nos últimos meses nas Rías Baixas, entre elas, o Desafío Illas Cíes (10 km), a Batalla de Rande (27 km), Arousaman (13 km) ou a Tripe Coroa Illas Atlánticas (28 Km). O centro leva xa máis de catro anos ofrecendo medidas en tempo real das condicións meteorolóxicas e oceanográficas.
Resultados 13 - 18 de 6039

Duvi. Diario da Universidade de Vigo. | Contacta con nós