DUVI. Diario da Universidade de Vigo
Inicio arrow Campus de Vigo
Mércores, 12 de xullo do 2017

As persoas interesadas teñen de prazo para inscribirse ata o martes 18 de xullo

O Programa para Maiores abre a preinscrición para o novo curso

Tras o ciclo intensivo, de tres cursos, pode accerse ao integrado, doutros dous anos


ImageComo cada ano a Universidade de Vigo volverá abrir en outubro as aulas ás persoas de máis de 55 anos co Programa para Maiores, unha iniciativa dirixida á poboación adulta que queira implicarse na vida universitaria a través de actividades de formación paralelas ás ensinanzas regradas. O período de preinscrición manterase aberto ata o vindeiro martes 18 de xullo, data límite para a entrega da solicitude e da documentación requirida nalgún dos rexistros da Universidade. O programa ofrece 50 prazas en cada un dos tres campus para persoas maiores de 55 anos.
Martes, 11 de xullo do 2017

Estudan varias liñas de colaboración coa EE Industrial extensibles ao resto das enxeñarías

Visita o campus o equipo directivo da Escola de Engenharia da Universidade do Minho

As e os participantes na reunión fixeron fincapé no interese mútuo en incrementar os proxectos transfronteirizos


ImageIncrementar o número de proxectos de colaboración entre as universidades de Minho e Vigo no ámbito tecnolóxico. Este é o obxectivo da visita ao campus do equipo directivo da Escola de Engenharia da Universidade do Minho, parceira habitual da institución académica viguesa. Reuníronse, nunha primeira xuntanza, cos responsables da Escola de Enxeñería Industrial, encabezados polo director Juan E. Pardo e, posteriormente, co vicerreitor de Extensión Universitaria e Relacións Internacionais, Manuel Fernández, e a comisionada do Vigo Tecnolóxico, Edita de Lorenzo.
Martes, 11 de xullo do 2017

As investigadoras de Bitraga editan un libro que retrata a nivel nacional o sector da tradución

En España tradúcese sobre todo novela contemporánea, tanto para público adulto como infantil

As autoras lamentan a práctica desaparición das axudas estatais e analizan a incidencia no sector das feiras


Image“Coñecer a actividade tradutora dun país permite achegarse mellor a súa cultura e, neste senso, a tendencia en España non é diferente doutros países: traducimos sobre todo novela contemporánea, tanto para público adulto como infantil”, explica a profesora Ana Luna, investigadora principal do grupo Bitraga (responsable de idear e alimentar o Catálogo da Tradución Galega desde 2004) e editora, xunto as profesoras Iolanda Galanes, Silvia Montero e Áurea Fernández do libro La tradución literaria. Nuevas investigaciones, un volume colectivo de máis de 350 páxinas no que se fai un pormenorizado retrato do sector da tradución literaria en España no período 1980-2015.
Aínda que as editoras levan anos traballando na tradución literaria galega, nesta ocasión quixeron indagar sobre a tradución noutros espazos do Estado español e para logralo acudiron a especialistas doutras comunidades.
Martes, 11 de xullo do 2017

O traballo aborda o uso de precedentes estranxeiros por parte do Tribunal Constitucional

A revista 'Teoría y realidad constitucional' premia un artigo do docente Aday Jiménez


ImageFoi no seu período como bolseiro do Servicio de doctrina del Tribunal Constitucional cando o docente e investigador da Área de Dereito constitucional Aday Jiménez comezou a observar que nalgunhas resolucións deste órgano se facía mención a resolucións de altos tribunais estranxeiros, “unha práctica bastante común noutros ordenamientos xurídicos, pero moi controvertida". Esta curiosidade persoal está na orixe do traballo Universalismo y particularismo en el Tribunal Constitucional. Sobre su uso (y abuso) de los procedimientos extranjeros polo que Jiménez recibiu o premio da revista Teoría y realidad constitucional para artigos científicos de constitucionalistas novos.
Luns, 10 de xullo do 2017

Universidade e Xunta asinaron a financiación dos traballos previos á rehabilitación do edificio Faraday

Campus do Mar comeza a tomar corpo na ETEA

O executivo investirá a 250.00 euros para iniciar o desenvolvemento da sede institucional do campus


Image A instalación da sede institucional da Campus do Mar no edificio Faraday da Escuela de Transmisones y Electricidad de la Armada, ETEA, no barrio vigués de Teis, está un pouco máis cerca de se converter nunha realidade trala sinatura este mediodía, entre a Universidade de Vigo e as consellerías de Facenda e de Cultura, Educación e Educación Universitaria, de dous convenios para o financiamento dos traballos previos á rehabilitación do edificio Faraday. 243.000 euros é importe que a Xunta de Galicia destinará este ano ao inicio da rehabilitación do inmoble, que inclúe o proxecto sectorial, o estudo xeotécnico, análise estrutural, levantamento de planimetría e redacción do proxecto básico de execución, así como a redacción do prego de prescricións técnicas para a rehabilitación do inmoble.
Luns, 10 de xullo do 2017

Na 38th Annual Conference of the International Society for Clinical Biostatistics

600 especialistas dos cinco continentes participan en Vigo no congreso internacional de bioestatística clínica

Debaten ao longo da semana os retos de futuro centrados no seu impacto na medicina


ImageA bioestatística clínica estuda modelos e métodos para o deseño e análise estatístico de datos obtidos na investigación clínica, xa sexa a través de ensaios clínicos, de estudos retrospectivos ou rexistros ou ben que proveñan de resultados de estudos anteriores, facendo unha revisión sistemática e un meta-análise. É esta disciplina, polo tanto, esencial para a medicina e para os ensaios clínicos, xa que “pola súa natureza vertebra a propia investigación que se realiza na medicina clínica”. Por este motivo, a Annual Conference of the International Society for Clinical Biostatistics, que celebra a súa 38ª edición en Vigo, organizada polo grupo de investigación SIDOR, reúne dende hoxe luns e ata o xoves especialistas do eido estatístico, clínico, epidemiolóxico, farmacolóxico, etc.
O simposio, que arrancou hoxe no auditorio Mar de Vigo, comprende sesións de comunicacións, cursos paralelos, sesións convidadas...
Resultados 55 - 60 de 6039

Duvi. Diario da Universidade de Vigo. | Contacta con nós