DUVI. Diario da Universidade de Vigo
Inicio arrow Campus de Vigo
Xoves, 21 de setembro do 2017

É un 1,75% inferior a 2015, cunha emisión media de 0,95 toneladas de CO2 por persoa

A Universidade segue reducindo a súa pegada de carbono por persoa e marca outro mínimo histórico en 2016

O incremento do uso do transporte público e do gas natural, claves na redución das emisións


ImageEn 2008, a Oficina de Medio Ambiente da Universidade comezou a calcular a pegada de carbono e a pegada ecolóxica da institución. A primeira é unha medida do impacto ambiental que estuda as emisións de gases de efecto invernadoiro á atmosfera (medidas en kg de CO2 equivalentes). A segunda é a cantidade de terreo estándar (medido en hectáreas globais equivalentes) que é necesaria para absorber os impactos ambientais asociados a unha actividade determinada. Nestes nove anos, as emisións dos tres campus universitarios fóronse reducindo e, segundo o estudo do 2016, que acaba de ser feito público pola OMA, volve marcase outro mínimo histórico, con 0,95 toneladas de CO2 por persoa, o que supón unha redución dun 1,75% respecto a 2015. Estas emisións tradúcense nunha pegada ecolóxica de 7924 hectáreas globais e de 0,328 hectáreas por persoa.
Xoves, 21 de setembro do 2017

A iniciativa púxose en marcha en 2014 e a nivel local participaron xa máis de 1300 persoas

Google volve elixir Vigo para impartir en Galicia os cursos gratuítos do programa Actívate

A cita será nesta ocasión do 2 ao 6 de outubro na Escola de Enxeñaría de Telecomunicación


ImageGoogle volve a elixir a cidade de Vigo e, máis concretamente o seu campus, para lanzar en Galicia unha nova edición do programa Actívate de formación gratuíta para persoas interesadas en mellorar as súas competencias dixitais, unha iniciativa posta en marcha en 2014 e na que, dende entón, xa participaron a nivel local máis de 1300 alumnas e alumnos, unha boa acollida que agardan volva repetirse nesta ocasión. A cita será nesta ocasión do 2 ao 6 de outubro no salón de actos da Escola de Enxeñaría de Telecomunicación, lugar elixido para impartir o curso básico de Marketing Dixital.
Xoves, 21 de setembro do 2017

O programa de actividades arranca a última fin de semana do mes de setembro

Para sentirse como peixe na auga, Augaventura

Con clases de flyboard, paddlesurf, rafting, kaiak e snorkel, surf, wakeboard e windsurf


ImageQue remate o verán non supón necesariamente que ríos e rías deixen de ser lugares de diversión. A edición de outono do programa Augaventura Campus Mar Life está pensado xustamente para que a comunidade universitaria poida practicar deportes acuáticos durante as fins de semana do primeiro cuadrimestre. As opcións comprenden surf, rafting, wakeboard, flyboard, windsurf, paddlesurf ou rutas combinadas de kaiak, andaina e snorkel. Na pasada edición de outono participaron 95 persoas nas diferentes actividades, que están abertas tanto ao alumnado, persoal docente e investigador e de administración e servizos como a toda aquelas persoas que traballen nas institucións que forman parte da agrupación de I+D do Campus do Mar.
Mércores, 20 de setembro do 2017

Nas 35 Jornadas de Gerencia Universitaria organizadas impulsadas pola CRUE

200 especialistas analizan en Vigo os retos de futuro na xestión dos recursos das universidades

A conferencia inaugural afondou nun modelo universitario baseado na innovación e non só no emprendemento


Image200 representantes de universidades públicas e privadas de todo o Estado reúnense dende este mércores e ata o venres en Vigo nas 35ª Jornadas de Gerencia Universitaria, unha edición organizada pola Universidade de Vigo que se centra en analizar os retos na xestión das universidades e en perfilar estratexias de futuro, prestando especial atención á xestión dos recursos, a profesionalización da dirección, os restos da administración electrónica, as infraestruturas e o papel da investigación e a transferencia na relación coa sociedade. O acto inaugural estivo presidido polo reitor da Universidade de Vigo, Salustiano Mato; o conselleiro de Cultura, Educación e Ordenación Universitaria, Román Rodríguez; o presidente do Consello Social da Universidade de Vigo, Ernesto Pedrosa; o xerente da Universidade viguesa, Manuel Fernández Jáuregui e o xerente da Universitat de Lleida, Josep M. Sentís.
Mércores, 20 de setembro do 2017

O Grupo Divulgare da Universidade lanza un novo vídeo no marco do proxecto europeo Mariner

Divulgando sobre a necesidade de contar con persoas expertas en caso de accidentes marítimos con vertidos de substancias perigosas


Image A importancia de contar co asesoramento de persoas expertas no caso de que se produza un accidente marítimo con vertidos de substancias perigosas, é o obxectivo do último vídeo do Grupo Divulgare da Universidade de Vigo. A peza audiovisual, que xa está dispoñible na canle de Video do equipo que dirixe o docente e investigador do Grupo de Ecoloxía e Evolución de Plantas Luis Navarro, insírese no marco do proxecto europeo Mariner, que ten o obxectivo de mellorar a capacidade de resposta ante vertidos químicos mediante o desenvolvemento de plans de adestramento e resposta coordinados entre distintas rexións da Europa atlántica.
Mércores, 20 de setembro do 2017

Presentou na Facultade de Filoloxía e Tradución o libro ‘Ser Modou Modou’

Cheikh Fayé narra ‘en galego’ a realidade dos inmigrantes africanos que viven en Europa

O salón de graos do centro quedou pequeno para acoller a todas as persoas interesadas en escoitalo


ImageDía a día, como pequenas pingueiras que non deixan de caer, chegan á sociedade española noticias sobre os miles de inmigrantes que cada ano poñen as súas vidas en risco para chegar a Europa, pero poucas veces se ten a ocasión de escoitar en primeira persoa a historia particular dalgún deles: o porqué da súa fuxida, as penurias da viaxe, as principais dificultades da chegada, o proceso de integración... A comunidade universitaria tivo hoxe a oportunidade de facelo da man de Cheikh Fayé, un senegalés que leva 14 anos en Galicia e que acaba de publicar o libro Ser Modou Modou.
Resultados 7 - 12 de 6042

Duvi. Diario da Universidade de Vigo. | Contacta con nós