DUVI. Diario da Universidade de Vigo
Inicio arrow Alumnado
Xoves, 16 de febreiro do 2017

A Fundación Venancio Salcines organiza un curso na Facultade de Ciencias Económicas e Empresariais

Mellorar a capacidade de comunicación verbal a cambio de tres quilogramos de alimentos

Terá lugar o 1 e 2 de marzo e a finais de mes celebrarase tamén no campus de Ourense


A presentación de traballos en público, defensa de teses e proxectos ou exames orais supón un reto para boa parte do alumnado universitario. O medo a falar en público é froito, en moitos casos, da falta de formación neste eido, un baleiro que a Facultade de Ciencias Económicas e Empresariais tentará cubrir co Curso de Comunicación Verbal. Oratoria e Media Training, impulsado pola Fundación Venancio Salcines. Con oito horas de duración, a docencia impartirase os días 1 e 2 de marzo en horario de tarde e contará como profesores co xornalista e docente Luis Fraga e o comunicador audiovisual Iván Olmos. A fundación cobre o total do importe da matrícula (120 euros) polo que os estudantes admitidos só teñen que entregar tres quilogramos de alimentos como dozaón.
Xoves, 16 de febreiro do 2017

Será o 8 , 9 e 10 de marzo na EE de Minas e Enerxía, a EE Industrial e a EE de Telecomunicación

22 empresas confirman a súa asistencia a unha nova edición do Foro Tenolóxico de Emprego

Como novidade, as actividades inclúen un ciclo de conferencias sobre orientación laboral


ImageUn total de 22 empresas participarán este ano no Foro Tecnolóxico de Emprego, entre elas as habituais R, Deloitte ou Optare Solutions. A cifra é lixeiramente inferior á do ano pasado, pero dende a organización apuntan que “sempre hai empresas despistadas que confirman fóra de prazo, polo que pensamos igualar o número de participantes do 2016”, subliña a coordinadora Olalla Sánchez, alumna de Enxeñería de Telecomunicación e cabeza visible dun equipo de cen alumnos e alumnas das escolas de Enxeñería de Minas e Enerxía, Industrial e Telecomunicación, encargados de por en marcha a actividade, que se celebrará os días 8, 9 e 10 de marzo.
Martes, 14 de febreiro do 2017

O equipo de Eva Castro Rodiño gañou o primeiro premio da International Project Week

Premio a unha Erasmus viguesa en Saarbrücken

A alumna de Enxeñaría de Telecomunicación está a realizar en Alemaña o seu Proxecto Fin de Grao


Image“Este premio supón para min unha motivación máis para seguir traballando nun futuro con xente de diferentes culturas, xa que neste tipo de equipos de traballo cada quen ten unha visión moi distinta e os resultados que se acadan acostuman ser bos”. A alumna da Escola de Enxeñaría de Telecomunicación, Eva Castro Rodiño, de estadía Erasmus en Saarbrücken (Alemaña) acaba de gañar o primeiro premio da International Project Week, celebrada na Universidade de Saxion, en Enschede (Países Baixos), como integrante dun equipo internacional de estudantes.
Luns, 13 de febreiro do 2017

O alumnado responsable de 'El Escaparate' promove diferentes actividades en CCSS e da Comunicación

Un día de celebración por amor á radio

O centro acolleu actuacións musicais e un coloquio sobre a emisión a través de internet


ImageSaír ao encontro da súa audiencia e conmemorar o Día Mundial da Radio son os dous obxectivos cos que o alumnado responsable de El Escaparate, o programa radiofónico que gravan cada semana en CCSS e da Comunicación, quixeron facer deste medio o protagonista da actividade no centro. Un almorzo e un concerto, xunto cun coloquio sobre a radio online complementaron a gravación aberta dunha nova entrega deste programa que emiten cada semana a través da rede. “O obxectivo principal é reivindicar e conmemorar o Día da Radio e, por suposto, dar a coñecer entre o estudantado El Escaparate”, salienta a produtora Carol Buceta.
Venres, 10 de febreiro do 2017

Lidia Dosil, Umá de Oliveira e Tania Castelo integran un dos oito equipos seleccionados

Tres alumnas do campus, finalistas do Hack for Good que impulsa o Club de Creativos

Dentro dos actos do ‘c de c’ en San Sebastián, terán 48 horas para idear unha campaña para unha ONG


Image48 horas para idear unha campaña para unha ONG. Ese é o reto que os días 15 e 16 de marzo deberán afrontar as estudantes da Facultade de Ciencias Sociais e da Comunicación Tania Castelo, Lidia Dosil e Umá de Oliveira, integrantes dun dos oito equipos finalistas do Hack for Good de La Cantera de C de C, unha competición promovida polo Club de Creativos e Facebook que se enmarca no programa de actos do c de c 2017, o evento que no mes de marzo reunirá no Palacio Kursaal de San Sebastián aos principais representantes da industria da comunicación e a creatividade en España.
Venres, 10 de febreiro do 2017

O campus de Vigo celebra o Día Internacional da Muller e a Nena na Ciencia

120 miradas curiosas para fornecer un futuro en feminino para a ciencia e a tecnoloxía

Alumnas de tres institutos participaron en obradoiros e charlas para esperar as súas vocacións nestes eidos


ImageUnha elección de estudos estereotipada; unha reducida presenza feminina en cargos de responsabilidade; falta de recoñecemento público e de proxección das mulleres investigadoras... unha lista moi ampla de factores que se veñen arrastrando durante séculos e que desemboca en feitos tan ilustrativos como que existen 49 mulleres cun premio Nobel fronte a 833 homes. Rachar con estas barreiras, visibilizar a ciencia feita por mulleres e espertar as vocacións científicas e tecnolóxicas nas nenas para acadar unha sociedade igualitaria é o obxectivo do Día Internacional da Muller e a Nena na Ciencia, que se conmemora mañá 11 de febreiro. Con gallo desta data, a Universidade de Vigo apostou por atraer as miradas máis novas e curiosas das futuras profesionais cara a ciencia e a tecnoloxía coa xornada de relatorios e obradoiros Elas fan CienTec, na que participaron 120 nenas de 3º e 4º de ESO dos institutos República Oriental de Uruguai e Castelao de Vigo e o IES Indalecio Pérez Tizón de Tui.
Resultados 43 - 48 de 1505

Duvi. Diario da Universidade de Vigo. | Contacta con nós