DUVI. Diario da Universidade de Vigo
Inicio arrow Alumnado
Mércores, 31 de maio do 2017

Nos seus discursos debían recomendar un autor clásico ao reitor da Universidade

O alumnado da materia de Retórica avalía os seus coñecementos no 'Certame Oratorium'

O xurado elixiu como gañadora a Alba Tamara Puentes pola súa defensa de Xulio César


ImageSe o ano pasado se buscaba o autor clásico que debería acompañar aos primeiros poboadores de Marte, nesta segunda edición do Certame Oratorium a temática elixida para os discurso foi a recomendación dun escritor grego ou romano cuxa lectura sexa de interese para os labores e responsabilidades do reitor da Universidade. Entre as propostas, como apunta Francisco José Ledo, profesor desta materia que se imparte no segundo cuadrimestre do segundo curso do grao de Ciencias da Linguaxe e Estudos Literarios, estaban Homero, Sófocles, Cicerón, Virxilio, Ovidio, Eurípides ou Marco Aurelio.
Mércores, 31 de maio do 2017

O programa MEET-Uvigo naceu na EE de Telecomunicación e estendeuse xa a outros tres centros

Arranca a formación de medio cento de novas mentoras e mentores que comezarán a 'exercer' en setembro

Afrontan un programa de clases de case 100 horas que, por primeira vez, corre a cargo de 25 docentes do campus


ImageO curso foi longo e nas últimas semanas tiveron que enfrontar múltiples exames e entrega de traballos, pero, aínda así, están cheos de ilusión e con moitas ganas de pór o seu gran de área para que as alumnas e alumnos que o vindeiro mes de setembro cheguen por primeira vez ao campus atopen nelas e neles un referente que os poida axudar a mergullarse no día a día universitario do mellor xeito posible. Falamos dos 47 alumnos e alumnas que esta semana empezaron a formarse para incorporarse ao programa de mentorización de alumnado MEET-Uvigo, unha iniciativa que arrancou no curso 2012/13 na Escola de Enxeñaría de Telecomunicación e que a día de hoxe se estendeu xa á Facultade de Filoloxía e Tradución, á Escola de Enxeñaría de Minas e Enerxía e á Facultade de Química.
Mércores, 31 de maio do 2017

Na terceira edición de Pontenciencia, que se desenvolve este venres e sábado

Máis de 300 escolares amosarán as súas dotes científicas na EE Forestal

Estudantes de oito colexios presentarán os seus proxectos a un xurado integrado por docentes do campus


ImageMáis de 300 escolares, pertencentes a oito centros educativos de Pontevedra, xunto con nove familias, participarán este venres e sábado na Escola de Enxeñaría Forestal na fase final de Pontenciencia, unha iniciativa promovida polo Concello de Pontevedra xunto coa Universidade e financiada pola Fecyt dirixida a achegar a achegar a ciencia ao alumnado de Primaria. A partires das propostas formuladas polo profesorado do campus, os nenos e nenas participantes traballaron nos últimos meses nos seus centros nunha serie de investigacións que agora deberán defender ante un xurado integrado por docentes das diferentes facultades e escolas.
Martes, 30 de maio do 2017

33 estudantes de Ieside recibiron os seus títulos nun acto celebrado no Teatro Afundación

O economista Edward Altman, nomeado honoris causa no acto de entrega de diplomas do Grao en ADE-BBA

O reitor Salustiano Mato animou ao estudantando a traballar “para seren eles mesmos”


Image O economista Edward Altman, creador da fórmula Z-Score, que permite predicir a quebra dunha compañía nos dous anos posteriores á súa análise, foi nomeado proferosr honoris causa por Ieside no transcurso do acto de graduación da promoción 2017 do Grao en ADE-BBA. Na súa lección maxistral, Edward Altman analizou ante os 33 estudantes que recibiron os seus títulos e ante os asistentes ao acto o seu método e como podería aplicarse en España, ao tempo que animou ás e aos novos egresados a explorar novos camiños, como fixo el cincuenta anos atrás: “Mirade onde estades agora, o que é potencialmente novo e ide a por elo”, dixo Altman.
Luns, 29 de maio do 2017

O Gabinete Psicopedagóxico organiza un taller sobre esta técnica

Para afrontar mellor os exames, un pouco de ioga da risa

A actividade desenvolverase no campus os días 8 e 15 de xuño


ImageO alumnado universitario está estas semanas centrado no estudo e na realización dos exames. Conscientes da importancia de que os estudantes afronten este período de estres, concentración e esforzo da mellor forma posible, o Gabinete Psicopedagóxico do campus de Ourense organizará os días 8 e 15 de xuño un Taller de Ioga da Risa. Nel, os participantes introduciranse no manexo desta nova técnica que conxuga elementos de ambos eidos para mellorar o seu benestar e o control das súas emocións. Será impartido por José Luís Alves Montesino, monitor en técnicas de risoterapia e líder certificado en ioga da risa.
Luns, 29 de maio do 2017

37 egresados e egresadas celebraron o sábado o remate dos seus estudos

Os actos de graduación arrancan coa cuarta promoción de Enfermaría

Autoridades, familiares e membros da comunidade universitaria asistiron ao evento no Auditorio Municipal


ImageO curso 2016/2017 está a piques de comezar a súa recta final e é tempo de celebrar os actos de graduación do alumnado que este ano abandonará as aulas universitarias. Os primeiros en facelo no campus de Ourense foron este sábado os alumnos e alumnas de último curso da Escola Universitaria de Enfermaría. Acompañados de familiares, amigos e membros da comunidade universitaria, 37 novos egresados e egresadas botaron unha ollada aos anos de carreira realizados e ao futuro que os agarda. O acto de graduación desta cuarta promoción de grao, que corresponde ao período 2014/2017, celebrouse no Auditorio Municipal.
Resultados 43 - 48 de 1586

Duvi. Diario da Universidade de Vigo. | Contacta con nós