DUVI. Diario da Universidade de Vigo
Inicio arrow Cultura
Xoves, 09 de marzo do 2017

A falta de apoio provoca que o festival de artes escénicas inicie mañá a súa derradeira edición

O ALT ergue o pano por última vez “por cansazo institucional”

A Unidade de Igualdade da Universidade volve a colaborar na sección ALT Procrea en Feminino


Image“Non nos imos por cansazo físico, ímonos por cansazo institucional”, recoñece Lola Correa, directora do ALT, Festival Alternativo de Artes Escénicas de Vigo. Facía estas declaracións hoxe xoves na presentación da que será a derradeira edición desta cita co teatro tras 16 anos de traballo para valorizar e dar visibilidade á creación dramática de vangarda. A falta de apoio institucional e de financiamento provoca que finalmente este festival desapareza e, antes de facelo, Noescafé Teatro, entidade organizadora, aposta por unha última edición en formato reducido que reivindica “unha morte digna para o ALT”.
Mércores, 08 de marzo do 2017

Quico Cadaval e Celso Sanmartín actuaron este martes no campus

Unha de contos para celebrar a lusofonía

No marco da programación da sétima edición de Portugués Perto


ImageEsta semana o campus de Ourense celebra a riqueza da lingua e da cultura lusófonas desenvolvendo diferentes actividades no marco da sétima edición de Portugués Perto. Despois da realización o luns do Obradoiro OPS! O galego como oportunidade competitiva e privilexiada, este martes comezou a programación lúdica cunha actuación de Quico Cadaval e Celso Sanmartín. Entre historias de tabernas, mariñeiros e contrabandistas da raia, os actores sacaron entre o humor e a ironía o sorriso dos numerosos espectadores que se achegaron a escoitalos á Sala Emilia Pardo Bazán do Edificio de Ferro.
Martes, 07 de marzo do 2017

Ciencias da Educación e do Deporte acolle un obradoiro baseado na aplicación desta teoría no ensino

Un taller achega o alumnado ao uso didáctico das intelixencias múltiples

16 estudantes participan nun curso que forma parte do programa de actividades da Vicerreitoría


ImageA concepción da intelixencia como unha rede de capacidades, interrelacionadas pero autónomas, e non como un conxunto unitario é a base da teoría das intelixencias múltiples, formulada polo profesor de Harvard Howard Gardner. “Esta nova concepción da mente implica un cambio na maneira de entender que é ser intelixente”, salienta ao respecto a profesora de educación infantil e primaria Noelia Gómez, responsable do obradoiro que achega a un grupo de 16 persoas á aplicación nas aulas desta teoría, a través dunha serie de propostas prácticas que levan ás e aos asistentes a deseñar as súas propias actividades para traballar as diferentes intelixencias.
Martes, 07 de marzo do 2017

Películas de China, Xapón, Taiwán, Corea e India en VO con subtítulos veranse no Edificio Cambón

'Heroe' de Zhang Yimou inaugurará este mércores as proxeccións do 1º ciclo de cine asiático

Os pases son de balde ás 20.00 horas


Image Coa proxección da película Heroe do director chinés Zhang Yimou dará comezo este mércores a sexta edición do ciclo Cine e Lingua. Encadrado na programación da Vicerreitoría de Extensión Universitaria e Relacións Internacionais da Universidade de Vigo, o ciclo achegará por primeira vez a ao público unha escolma do cine asiático en versión orixinal con subtítulos en español con obras chinesas, xaponesas, taiwanesas, coreanas e hindús, que se proxectarán no Auditorio do Edificio Cambón, a partir das 20.00 horas e con entrada de balde. Finalizadas as proxeccións desenvolveranse cadanseu coloquio moderados pola profesora de chinés e xaponés do Centro de Linguas Lili Wo.
Martes, 07 de marzo do 2017

A Vicerreitoría e a Fundación Xapón promoven dúas conferencias sobre a cultura xaponesa

A Casa das Campás viaxa ao país do sol nacente

O budismo zen e o período Heian centrarán os relatorios que terán lugar os días 16 e 21


ImageUn achegamento á historia e a cultura do Xapón, a través das verbas de dous expertos na arte e na literatura do país do sol nacente como son os profesores Javier Villalba e Carlos Rubio. Esta é a proposta que a Vicerreitoría do campus e a sede da Fundación Xapón en España achegan o á Casa das Campás os días 16 e 21 de marzo. A pegada do budismo zen na cultura xaponesa e os “costumes galantes” na corte do período Heian, nos séculos X e XI, serán, respectivamente, os eixos temáticos destes dous relatorios programados para ás 20.00 horas e abertos a todo o público interesado.
Luns, 06 de marzo do 2017

Portugués Perto iniciou a súa programación cun obradoiro sobre as vantaxes que proporciona este idioma

O galego, unha chave para acceder “case sen esforzo” ao mundo lusófono

O taller correu a cargo da filóloga Tamara Varela


ImageEsta semana o campus de Ourense celebra cunha nova edición de Portugués Perto a riqueza da lingua e da cultura lusófonas. Como arranque da programación, a Facultade de Ciencias Empresariais e Turismo acolleu este luns un obradoiro no que a filóloga Tamara Varela, da Asociaçom Galega da Língua Agal, foi a encargada de explicarlle a alumnado do grao de Turismo as portas que lle pode abrir "case sen esforzo" a lingua galega no mundo lusófono. Coa súa intervención comezou unha programación na que este ano destaca a actuación de Quico Cadaval e da banda portuguesa Parapente 700.
Resultados 13 - 18 de 1935

Duvi. Diario da Universidade de Vigo. | Contacta con nós