DUVI. Diario da Universidade de Vigo
Inicio arrow Cultura
Mércores, 28 de novembro do 2007

Conferencia de Manuel Campo Vidal na Cátedra Fundación Caixa Galicia

De receptores a emisores, e de comunicación de masas a medios individuais de masas

A televisión e os xornais deixan paso a Youtube e os blogs


ImageNa sociedade do coñecemento, todo medio pode ser medio de comunicación, e todo receptor aspira a ser, en algún momento, tamén emisor. Así, os medios de comunicación de masas están sendo substituídos por medios inicialmente de carácter individual, pero que se están a converter en medios de masas: a televisión deixa paso a Youtube. Deste xeito resumiu o xornalista Manuel Campo Vidal, os cambios que a comunicación está a sufrir actualmente, centrándose especialmente no seu campo de traballo, a TV. Con este relatorio clausurouse o ciclo de conferencias da Cátedra Fundación Caixa Galicia, que estivo centrado na sociedade do coñecemento.
Martes, 27 de novembro do 2007

Coa presenza da conselleira de Política Territorial

A simulación teatral dun accidente trata de concienciar aos mozos dos riscos ao volante


Image Co obxectivo de concienciar á poboación máis nova do perigo e das consecuencias dos accidentes de tráfico desenvolveuse no campus de Vigo e Pontevedra sendos Road Show, unha iniciativa impulsada polas fundacións ESLEME, IRSA e Solidaridad Carrefour en colaboración coa Consellería de Política Territorial. “Esta campaña nace da necesidade de reducir a sinistralidade vial, que é a causa máis importante de mortaldade entre os menores de trinta anos”, tal como afirmou Juan Gutiérez, portavoz de ESLEME, durante a presentación deste proxecto na Facultade de Filoloxía e Tradución.
Martes, 27 de novembro do 2007

O coro da Universidade de Vigo, aberto e multicultural

Sen períodos de inscrición nin límite de prazas


Image Dispor dunhas horas á semana, ter gañas de cantar e de pasalo ben son os requisitos iniciais para participar no coro, un grupo aberto a toda a comunidade universitaria e mesmo a calquera persoa interesada na música e no canto. “Non se precisa experiencia previa nin coñecementos de solfexo, só un pouco de oído ou de afinación” tal como afirma Beatriz Freijido, axudante da coordinadora, quen engade que “a maior parte da xente que se apunta non sabe nada de música, só ensaia as partituras e aprende de oído ou lendo”.
Luns, 26 de novembro do 2007

Do 28 ao 30 deste mes no Centro Cultural Caixanova

A estrea do documental “Augas vivas de Galicia” será o prato forte da Semana Internacional de Cine Submarino

Con imaxes inéditas sobre a riqueza fluvial galega


ImageA estrea do documental Augas vivas de Galicia con imaxes inéditas sobre a riqueza fluvial galega será o prato forte da Semana Internacional de Cine Submarino que un ano máis, e van xa dezasete, achegará a Vigo as mellores producións sobre o mundo submarino dende diferentes perspectivas e baixo o ollo de directores e produtores de diversas nacionalidades. O evento, que se desenvolverá do 28 ao 30 deste mes no Centro Cultural Caixanova e no campus, presentouse este luns no Edificio Miralles.
Luns, 26 de novembro do 2007

Na Facultade de Ciencias da Educación

"Debut07 "será o escaparate para os proxectos da primeira promoción de Esdemga

O próximo xoves, 29 de novembro


Image Nas pistas da nova Facultade de Ciencias da Educación e do Deporte terá lugar, o próximo xoves 29 de novembro, o desfile Debut07, no que as alumnas da primeira promoción da Escola de Estudos Superiores en Deseño Téxtil e Moda de Galicia, mostrarán ao público os seus proxectos finais. Quince novas deseñadoras presentarán seis estilismos completos que reflicten o seu universo persoal de creación, un traballo esmerado e laborioso, unha busca conceptual e material que desemboca na experimentación téxtil.
Venres, 23 de novembro do 2007

Na Facultade de Filoloxía e Tradución

Fernando Rosas defende a Lei da Memoria Histórica como un paso importante cara á maduración da democracia española

Dentro das actividades da Cátedra Jean Monnet


Image É tal a relevancia que Fernando Rosas, Catedrático de Historia Contemporánea na Universidade Nova de Lisboa e Deputado polo Bloco de Esquerdas, atribúe ao recordo do pasado que entende que “a Lei da Memoria Histórica é un paso de capital importancia para a maduración da democracia española”, tal como afirmou nunha conferencia ofrecida na Facultade de Filoloxía e Tradución. O profesor Rosas entende a memoria como un proceso social de construción dos discursos de lexitimación do presente, unha baza que usamos para xustificar as decisións e actos que queremos levar a cabo no presente.
Resultados 1927 - 1932 de 1999

Duvi. Diario da Universidade de Vigo. | Contacta con nós