DUVI. Diario da Universidade de Vigo
Inicio arrow Cultura
Mércores, 26 de abril do 2017

Coa actuación este mércores no Teatro Principal de Al Salam Group of Modern Art

A Miteu abre as súas portas á dor do pobo iraquí

Ali Reysan interpretará unha selección de poemas de autores do país árabe


ImageA Mostra Internacional de Teatro Universitario de Ourense, a Miteu, continúa a programación da súa 22 edición dando voz ás “voces acaladas”, neste caso ao pobo de Iraq. Este mércores o certame abrirá as portas do Teatro Principal para acoller a obra Os nenos da guerra, representada polo grupo Al Salam Group of Modern Art, formado por iraquís exiliados en Holanda e Suecia. Ao remate do acto celebrarase un coloquio sobre o país árabe a cargo de Muhsin Al-Ramli, escritor iraquí, poeta, tradutor, hispanista e académico.
Mércores, 26 de abril do 2017

O centro acolleu unha actuación dun grupo integrado por alumnado e profesorado da UDC

CC da Educación e do Deporte conmemora por primeira vez o Día Internacional da Danza

O obxectivo da actividade é pór en valor esta disciplina como recurso educativo


ImageCo propósito de poñer de relevo o papel que poden xogar a danza e a expresión corporal como recurso educativo e dar visibilidade a unha disciplina integrada na formación do alumnado da Facultade de Ciencias da Educación e do Deporte, este centro do campus pontevedrés celebrou por primeira vez o Día Internacional da Danza, que se conmemora este sábado 29. Fíxoo por adiantado este xoves, acollendo unha actuación do grupo de danza Normal da Universidade da Coruña (UDC), que interpretou a súa produción Clásicos Max Mix, unha “revisitación de obras clásicas da danza”, como explica a súa directora, Rut Balbís.
Mércores, 26 de abril do 2017

A cita será no Teatro Vidal Bolaño da Cidade Universitaria a partir das 17.30 h

Catro bandas noveis protagonizan este xoves o Ensaiamos Colleita 2017

No festival elixirase á mellor banda do ano, que será premiada coa gravación dunha maqueta


ImageSpleen, Banda Base, Ripley e Yo, el gordo y postcoitallica son as catro bandas escollidas para protagonizar o concerto Ensaiamos Colleita 2017, un clásico da programación cultural de primavera cando están a piques de rematar as clases, e que ven con sorpresas en forma de sorteos para os asistentes. Os grupos seleccionados para esta ocasión encherán as instalacións do Teatro Vidal Bolaño da Cidade Universitaria de sons inspirados no rock, blues, folk e outras fusións musicais. A cita, na que tamén se elixirá á mellor banda do ano, que será premiada coa gravación dunha maqueta, será mañá xoves a partir das 17.30 h.
Mércores, 26 de abril do 2017

A Biblioteca da EE de Telecomunicación organiza a segunda edición do Microconcurso, desta volta, de poesía

Versos que namoren en menos 50 palabras

Os texto exporanse na biblioteca da escola para elixir o mellor por votación popular


Image50 palabras que namoren, que demanden, que denuncien ou que divirtan. 50 palabras en forma de rima é o máximo de extensión para os textos que se presenten á II edición do Microconcurso de poemas que organiza a biblioteca da Escola de Enxeñaría de Telecomunicación. Se na primeira edición apostaron por microrrelatos, este ano, e inspirados polo recente Día Mundial da Poesía, “decidimos variar un pouco e propor que se presenten micropoemas. Seguramente en vindeiras edicións iremos revisando outros xéneros literarios”, explica Tina Parcero, técnica especialista da Biblioteca.
Martes, 25 de abril do 2017

A Biblioteca pon á venda máis de 3000 exemplares para recadar fondos para a ONG Proem-Aid

Libros salvavidas para quen “non quere matar nin ser asasinado”

As publicacións foron doadas por particulares e institucións e seguirán recolléndose ata este xoves 27


ImageSegundo a ONU falecen cada día 14 persoas tratando de chegar a Europa fuxindo de guerras, persecucións e fame; en 2016 foron 5000 as persoas que perderon a vida tratando de cruzar o Mediterráneo. Unha crise humanitaria que levou ao persoal da Biblioteca Universitaria a implicarse empregando as súas ferramentas de traballo, os libros. O proxecto Libros salvavidas trata de que cada libro sirva para axudar a aqueles que cruzan un mar na procura dun futuro; unha doazón de libros solidaria cuxa venda achegará recursos económicos destinados ao rescate das e dos refuxiados que foxen da guerra e da morte. E é que como explicaban no coloquio inaugural desta campaña solidaria, que este martes tivo lugar no Centro Comercial de Cidade Universitaria, representantes de ONGs, voluntarios, xornalistas e políticos, o que realmente queren as persoas que chegan ás fronteiras europeas “é vivir, salvar a súa vida, non morrer e non ter que matar para seguir vivos, é unha cuestión de pura supervivencia”.
Luns, 24 de abril do 2017

A aula de teatro USC – Lugo achegou a obra ‘A paz perpetua’ ao público vigués

A adaptación dunha das obras ensaísticas de Kant abre unha semana de teatro universitario

As citas seguirán hoxe martes e mañá mércores no Teatro Roberto Vidal Bolaño


ImageO Teatro Roberto Vidal Bolaño da Cidade Universitaria acolleu a segunda sesión en Vigo da décimo novena Mostra Internacional de Teatro Universitario, Miteu, un certame que reúne na cidade olívica dende o pasado 5 de abril e ata o 3 de maio a cinco compañías universitarias. Desta, tocoulle a quenda ás e aos integrantes da aula de teatro USC-Lugo, que mostraron o seu talento coa obra A paz perpetua, de Juan Mayorga. Así comezou a semana grande de teatro no campus coa que se lle achegará ao público vigués durante tres días diferentes mostras de creacións teatrais actuais.
Resultados 43 - 48 de 1999

Duvi. Diario da Universidade de Vigo. | Contacta con nós