DUVI. Diario da Universidade de Vigo
Inicio arrow Publicacións
Martes, 11 de outubro do 2016

Segundo recolle o terceiro 'Informe de Conxuntura Socioeconómica do Ano 2016'

A economía galega medra pero mantén un alto desemprego

O documento tamén inclúe unha análise das consecuencias do Brexit


Image Foro Económico de Galicia presentou este martes en Santiago de Compostela o terceiro Informe de Conxuntura Socioeconómica do Ano 2016, coordinado por Fernando González Laxe. Segundo os datos recollidos no documento, “Galicia segue reducindo considerablemente a brecha de crecemento económico co resto de España”. O PIB Galicia medra un 3% interanual ata xuño de 2016, fronte ao 3,2% de España. A pesar deste crecemento, sinalan os expertos que realizaron o informe, a comunidade autónoma mantén unha elevada taxa de desemprego, que se sitúa no 17,7% da poboación activa e nun 43,7% no caso das persoas menores de 25 anos.
Xoves, 22 de setembro do 2016

Céntrase nas combinacións inglés/galego-portugués e alemán/galego-portugués e inclúe 600 exemplos

O profesor Carlos Garrido presenta unha innovadora monografía sobre a tradución de textos científicos didácticos e divulgadores

A pesares de se tratar dunha modalidade tradutiva de gran relevancia social, existen poucos estudos neste campo


ImageO inglés é o idioma dominante na ciencia e na investigación, pero para que os avances científicos cheguen á cidadanía precísase da divulgación e da didáctica como ponte entre estes dous ámbitos. É neste paso no que xoga un papel crucial a tradución. En linguas cunha reducida produción de textos científicos didácticos e divulgativos, como o galego, a tradución de textos, documentos, estudos, artigos, etc. abre unha fiestra enorme ao coñecemento, xa que permite que o público en xeral acceda a coñecementos e información que, doutro xeito, lle serían alleos. Pero a pesar de todas estas funcións de grande importancia social, a tradución de textos científicos didácticos e divulgadores “representa unha área aínda pouco atendida polos estudos de tradución”. Así o explica o docente da Facultade de Filoloxía e Tradución Carlos Garrido, que acaba de publicar unha monografía que trata de encher este baleiro titulada A Traduçom do Ensino e Divulgaçom da Ciência.
Martes, 20 de setembro do 2016

Santiago Lago e Alberto Vaquero analizan nela as fórmulas de descentralización

Investigadores do Grupo Gen propoñen nunha publicación como mellorar o sistema tributario español

O estudo foi presentado este martes no Centro de Estudos Políticos e Constitucionais


ImageO Centro de Estudos Políticos e Constitucionais, en Madrid, acolleu este martes a presentación do libro Descentralización y sistema tributario: lecciones de la experiencia comparada, realizado polos docentes e investigadores do Grupo Gen da Universidade de Vigo Santiago Lago e Alberto Vaquero. A publicación, tal e como sinalan os seus autores, trata de “enmarcar e avaliar a experiencia española, sinalando as súas dificultades e retos pendentes, en especial no ámbito autonómico”. A obra, promovida pola Fundación Impostos e Competitividade, realiza unha serie de recomendacións sobre os diferentes tributos en relación á súa descentralización.
Martes, 06 de setembro do 2016

Coincidindo coa conmemoración en todo o mundo do IV centenario da morte do autor

A RAE elixe a tres investigadores vigueses para sacar a relucir a obra poética de Cervantes

José Montero, Fernando Romo e Macarena Cuiñas acaban de editar o volume 'Viaje del Parnaso y poesías sueltas'


ImageCoincidindo coa conmemoración en todo o mundo do IV centenario da morte de Cervantes, a Biblioteca Clásica da Real Academia Española, acaba de publicar o volume Viaje del Parnaso y poesías sueltas, de Miguel de Cervantes, un proxecto co que sacar a relucir a obra poética deste autor universal e para o que quixeron contar cos mellores especialistas: os profesores da Universidade de Vigo José Montero Reguera e Fernando Romo Feito, aos que se uniu a tamén filóloga viguesa Macarena Cuiñas, integrantes do grupo Ediciones y Estudios de la Literatura Española, e-LITE, da Facultade de Filoloxía e Tradución.
“Esta edición ten en conta testemuñas e documentos nunca manexados previamente e emprega máis información que ningunha outra publicada ata hoxe", explica Montero.
Xoves, 21 de xullo do 2016

Segundo os datos do informe anual elaborado pola Escola de Enxeñaría Forestal e Confemadera Galicia

A industria galega da madeira e do moble facturou 1941 millóns de euros en 2015, un 11,2% máis ca en 2014

Máis de 80.000 familias recibiron 300 millóns por venta de madeira nun ano récord de cortas


ImageA industria galega da madeira e do moble facturou 1941 millóns de euros no 2015, o que supuxo un incremento do 11,2% respecto a 2014. Son as cifras globais dun sector que xera en Galicia uns 70.000 postos de traballo e no que 2015 supuxo un ano de récords en múltiples factores, entre eles, o volume de cortas: 8,25 millóns de metros cúbicos, o mellor rexistro desde 1996. Estas son só algunhas das cifras que se recollen no Informe de Resultados da Industria da madeira e o moble de Galicia, un traballo que, tras múltiples anos de colaboracións puntuais, foi elaborado por primeira vez de xeito conxunto entre docentes da Escola de Enxeñaría Forestal e a Confederación Galega de Empresarios da Madeira, Confemadera Galicia.
O informe, tal e como se explicou durante a súa presentación, busca caracterizar o resultado do ano xa rematado, comparado cos anos anteriores e co contexto, tanto español como internacional.
Luns, 18 de xullo do 2016

O docente de Ciencias da Educación David Casado é un dos seus directores

Nace 'Cómaros', revista interdisciplinar de pensamento galego

Un dos obxectivos da publicación é potenciar a realización de ensaios


ImageUn cómaro é unha pequena elevación do terreo, unha lomba ou outeiro, desde a que é posible ollar o horizonte. Por este significado e por ser un elemento característico da paisaxe galega, é tamén o nome escollido polos promotores da nova revista interdisciplinar de pensamento galego Cómaros. A publicación, de carácter electrónico e periodicidade anual, nace para tentar “servir como nó estruturante de todo o pensamento galego” apostando, entre outros aspectos, por potenciar os ensaios centrados en temáticas relacionadas con Galicia.
Resultados 43 - 48 de 363

Duvi. Diario da Universidade de Vigo. | Contacta con nós