DUVI. Diario da Universidade de Vigo
Inicio arrow Institucional arrow Campus Ourense

Campus Ourense

Martes, 19 de abril do 2016

O título foi presentado este martes polo presidente da Xunta e o reitor da Universidade de Vigo

O grao de Enxeñaría Aeroespacial comezará no mes de setembro a formar talento

O vindeiro curso académico 50 estudantes poderán matricularse nesta titulación no campus de Ourense


ImageUn día histórico para a cidade e para provincia de Ourense e un día esperanzador para o sistema produtivo, empresarial e laboral galego. Con estas palabras foi presentado este martes o novo grao de Enxeñaría Aeroespacial que o vindeiro curso académico 2016/2017 se comezará a impartir no campus de Ourense. Os novos estudos, destacouse na súa presentación, nacen co obxectivo de captar e formar talento que nutra a aposta polo desenvolvemento dun polo aeronáutico e aeroespacial galego que terá en Ourense o seu vértice académico. Co anuncio da nova titulación que se comeza a impartir en setembro culmina un dilatado proceso no que moitas persoas e entidades sumaron esforzos e ilusións coa arela común de ter algún día egresados e egresadas en Enxeñaría Aeroespacial pola Universidade de Vigo.
Xoves, 14 de abril do 2016

Trala votación este xoves da Xunta de Facultade

Elena Rivo, reelixida decana de Ciencias Empresariais e Turismo

A docente e o seu equipo aspiran a consolidar os vindeiros tres anos os proxectos iniciados


ImageA Xunta de Facultade de Ciencias Empresariais e Turismo do campus de Ourense votou este xoves a candidatura de Elena Rivo, a única presentada, a decana do centro. A docente recibiu 41 votos a favor e 10 en contra, conseguindo así ser reelixida para continuar tres anos máis ao fronte desta facultade. No período que se abre agora, Rivo e o seu equipo aspiran a consolidar as liñas de traballo desenvolvidas no último mandato, onde as relacións co tecido empresarial e a potenciación da internacionalización ocupan un lugar destacado.
Venres, 08 de abril do 2016

A candidatura liderada pola docente ourensá é a única presentada

Elena Rivo opta á reelección como decana da Facultade de Ciencias Empresariais e Turismo

A votación será o día 14 de abril en sesión extraordinaria da Xunta de Facultade


ImageA Facultade de Ciencias Empresariais e Turismo do campus de Ourense ten aberto desde o pasado 7 de marzo o proceso de eleccións a decanato. Este venres realizouse o proclamación definitiva de candidaturas e a única presentada é a liderada por Elena Rivo, que opta a renovar o seu mandato ao fronte do centro. A docente e o seu equipo aspiran a consolidar os vindeiros anos os proxectos postos en marcha nos últimos tres anos e que tiveron entre os seus obxectivos principais o estreitamento das relacións co tecido empresarial e a potenciación da internacionalización, co fin último de mellorar a formación e a empregabilidade do seu alumnado.
Venres, 08 de abril do 2016

A súa finalidade é achegar a Universidade de Vigo a diferentes localidades da provincia

A exposición '25 anos máis' fai parada en Verín

En recoñecemento ao protagonismo dos concellos no devir da institución académica


ImageVerín vén de sumarse esta semana aos concellos que este ano están a acoller o percorrido pola provincia de Ourense da exposición 25 anos máis, organizada co gallo da conmemoración do cuarto de século da Universidade de Vigo. A mostra inaugurada este xoves na localidade ourensá está composta por 25 paneis nos que outros tantos persoeiros destacados que teñen vinculación con Ourense responden á pregunta Que pode ou debe achegar a Universidade a Ourense nos vindeiros 25 anos?. A finalidade desta iniciativa é achegar a Universidade de Vigo a diferentes localidades da provincia en recoñecemento ao protagonismo dos concellos no devir da institución académica.
Venres, 01 de abril do 2016

A xornada de clausura das conmemoracións contou cunha mesa sobre a súa relación coa universidade

O campus súmase á celebración dos 50 anos do Polígono de San Cibrao

O Citi, diversas cátedras ou os niños de emprendemento son algúns dos nexos de unión


ImageO Polígono de San Cibrao das Viñas celebra este venres e sábado en Expourense o peche dos seus actos de conmemoración de medio século de historia cunhas xornadas na que convida á cidadanía a coñecer o que nel se fai e como se fai. A esta celebración quixo sumarse o campus de Ourense coa celebración durante a primeira sesión das xornadas dunha mesa redonda na que se abordou a relación entre a Universidade de Vigo e o motor empresarial da cidade das Burgas. O Citi, diversas cátedras ou os niños de emprendemento son algúns dos nexos de conexión que unen a historia das dúas institucións e sobre os que se afondou neste encontro.
Martes, 29 de marzo do 2016

O campus de Ourense acolleu este martes a celebración do Día Mundial da Auga

Pinga a pinga, construíndo o futuro

Case 400 escolares coñeceron a importancia deste recurso para a sociedade en xeral e para a Universidade en particular


ImageA auga é un elemento esencial para a vida. Só por iso xa ten máis que gañado o feito de que cada ano se lle dedique un Día Mundial da Auga. No caso da Universidade de Vigo este compromiso vese acentuado pois conta, atendendo ás características da contorna onde se insire, con dous proxectos de especialización relacionados con este recurso, como son o Campus da Auga e o Campus do Mar. Este martes, o campus de Ourense, o Campus da Auga, acolleu o acto central de celebración na institución académica do Día Mundial da Auga reunindo a case 400 escolares que por unhas horas tiveron a oportunidade de coñecer de primeira man como este elemento é fundamental na construción do futuro e como nesa construción se traballa desde o eido académico, a través da investigación e da formación. “A auga é fonte de solucións de moitos problemas e fonte de futuro para todos”, subliñou o reitor Salustiano Mato.
Resultados 55 - 60 de 428

Duvi. Diario da Universidade de Vigo. | Contacta con nós