DUVI. Diario da Universidade de Vigo
Inicio arrow Institucional arrow Campus Ourense

Campus Ourense

Venres, 30 de xuño do 2017

A Escola Superior de Enxeñaría Informática celebrou este venres un cuarto de século

25 anos despois, #SomosEsei

Egresados e egresadas de diferentes promocións uníronse á conmemoración


ImageNo ano 1991, cando aínda non existían os teléfonos móbiles e cando apenas se anuncia publicamente a creación da World Wide Web, botaba a andar no campus de Ourense a entón Escola Universitaria de Enxeñaría Técnica Informática de Xestión. Transcorreu desde entón un cuarto de século no que a informática mudou radicalmente e radicalmente mudou o mundo. Durante ese tempo, tamén o centro sufriu transformacións ata converterse no que é hoxe en día a Escola Superior de Enxeñaría Informática. O que non cambiou desde entón foi a paixón pola informática e polo ensino, tal e como quedou de manifesto na celebración este venres dos 25 anos do centro.
Xoves, 22 de xuño do 2017

O catedrático Luis Romaní recibiu unha homenaxe este xoves no campus

Un recoñecemento a 47 anos dedicados á física e á universidade

Co gallo da súa xubilación e nomeamento como profesor emérito da Universidade de Vigo


ImageComo un recoñecemento á súa traxectoria académica e investigadora pero tamén á súa calidade humana. Con estas dúas premisas, membros da comunidade universitaria pero tamén amigos e discípulos de Luis Romaní, catedrático de Física Aplicada da Universidade de Vigo, reuníronse este xoves no Edificio de Ferro para renderlle homenaxe ante a súa inminente xubilación e sobre todo ante a aprobación no Consello de Goberno do pasado luns do seu nomeamento como profesor emérito. 47 anos despois de iniciar a súa actividade docente e 44 anos despois da súa chegada a Ourense, Romaní recibiu o recoñecemento por unha vida dedicada á Universidade e á física.
Luns, 12 de xuño do 2017

O vindeiro curso impartirase por cuarto ano a modalidade semipresencial de Xeografía e Historia

Unha oportunidade de 'facer historia' sen saír da casa

Permite realizar estes estudos a distancia e a tempo parcial


ImageA Facultade de Historia do campus de Ourense ofrece dende o curso 2014/2015 o Grao en Xeografía e Historia non só na súa modalidade presencial senón tamén na semipresencial. Esta opción naceu coa idea de atender a demanda daquelas persoas interesadas en adquirir coñecementos en Historia, Arte e Xeografía e que, por diferentes motivos, non podían cumprir o requisito de asistir ás aulas. Para todos aqueles e aquelas que nestas datas buscan opcións para estudar o vindeiro curso académico, o centro vén de lanzar unha nova campaña para captar a aqueles e aquelas chamados a "facer historia”.
Martes, 06 de xuño do 2017

O sábado 10 de xuño celebrarase un roteiro promocional desta nova oferta académica

O programa conxunto de Turismo e Xeografía e Historia bota a andar

Dez alumnos poderán o vindeiro curso comezar a estudar simultaneamente os dous graos


ImageO vindeiro curso académico 2017/2018 impartirase por primeira vez no campus de Ourense un programa conxunto dos graos de Turismo e de Xeografía e Historia, que permitirá a dez estudantes obter as dúas titulacións en cinco anos e medio. Co obxectivo de visibilizar ante a sociedade esta nova oferta académica e sobre todo a súa potencialidade, complementariedade e relevancia, os dous centros implicados nesta iniciativa, as facultades de Historia e a de Ciencias Empresariais e Turismo, organizarán o vindeiro sábado, 10 de xuño, un roteiro aberto á cidadanía no que o turismo, a xeografía e a historia camiñarán da man.
Xoves, 18 de maio do 2017

O catedrático emérito de Dereito Romano suma un novo recoñecemento á súa traxectoria

Luis Rodríguez Ennes, distinguido coa medalla de ouro do Foro Europeo Cum Laude

A gala de entrega celebrarase en Oviedo o día 3 de xuño


ImageDesde que o pasado ano Luis Rodríguez Ennes cumpriu 70 anos e se converteu en catedrático emérito de Dereito Romano da Universidade de Vigo os recoñecementos á súa traxectoria profesional sucédense. Cando aínda está recente na memoria a súa investidura o pasado 27 de abril como doutor honoris causa pola Universidad Nacional del Comahue, en Arxentina, o docente vén de recibir unha nova distinción, a medalla de ouro do Foro Europeo Cum Laude, que recibirá na gala de entrega que terá lugar o día 3 de xuño no Hotel da Reconquista, en Asturias.
Mércores, 10 de maio do 2017

Nunha misión a Israel organizada pola Deputación Provincial de Ourense

O campus estreita lazos coa Universidade de Tel Aviv

Virxilio Rodríguez e Manuel Baltar reuníronse co vicepresidente da institución académica


ImagePromover alianzas comerciais e de transferencia tecnolóxica con empresas e universidades de Israel co obxectivo de establecer liñas de investigación entre o campus de Ourense e a Universidade de Tel Aviv e abrir novas oportunidades de negocio para empresas ourensás dos ámbitos tecnolóxico, agroalimentario, turístico e industrial, entre outros sectores. Con esta finalidade, unha misión institucional, académica e empresarial organizada pola Deputación Provincial de Ourense e da que forma parte Virxilio Rodríguez, vicerreitor do campus de Ourense, está esta semana en Israel.
Resultados 7 - 12 de 435

Duvi. Diario da Universidade de Vigo. | Contacta con nós