DUVI. Diario da Universidade de Vigo

Campus Ourense

Xoves, 19 de outubro do 2017

A filósofa Ana de Miguel participou este xoves nas 'Xornadas Feminismo e Teoría do Dereito'

O mito da libre elección como instrumento para perpetuar o patriarcado

A súa intervención tivo lugar nos campus de Vigo e Ourense


ImageEste xoves as Xornadas Feminismo e Teoría do Dereito arrancaron nos campus de Vigo e Ourense cunha conferencia da profesora da Universidad Rey Juan Carlos de Madrid Ana de Miguel. A filósofa e feminista compartiu primeiro con alumnado da Facultade de Dereito e despois con estudantes da Facultade de Ciencias Xurídicas e do Traballo a súa visión sobre o feminismo e a desigualdade de xénero, abordando entre outros temas o mito da libre elección como instrumento para perpetuar o sistema patriarcal. As xornadas contan con financiamento da Unidade de Igualdade.
Martes, 17 de outubro do 2017

Víctor Nogueira falou este martes no campus sobre a presenza no exterior destes negocios

Empresa familiar, empresa internacionalizada

O presidente da asociación galega do sector destacou os beneficios que ten “abrirse ao mundo”


ImageExperiencias na internacionalización como camiño do crecemento e a expansión na empresa familiar. Baixo este título, Víctor Nogueira, presidente da Asociación Galega da Empresa Familiar, foi o encargado este martes de explicar ao alumnado da Facultade de Ciencias Empresariais e Turismo do campus de Ourense a importancia da empresa familiar no escenario económico e concretamente a súa aposta, “por vocación e por visión empresarial”, pola internacionalización. “Sen dúbida, hai que abrirse ao mundo e hai que facelo, sobre todo, con sentidiño”, subliñou o presidente dunha entidade que na actualidade está integrada por 55 entidades que facturan arredor de 9300 millóns de euros.
Martes, 10 de outubro do 2017

O campus acolleu este martes as décimo segundas xornadas deste colectivo

300 profesionais da enfermaría debaten en Ourense sobre como fomentar os hábitos saudables

O obxectivo da iniciativa é recoñecer e fomentar a investigación nos diferentes niveis asistencias


ImageCada ano, as Xornadas de Enfermaría de Ourense convocan aos enfermeiros e enfermeiras da provincia co obxectivo de recoñecer e fomentar a investigación no seu eido e abordar en profundidade o debate sobre algún dos retos aos que se enfrontan. Este martes, o campus de Ourense acolleu a décimo segunda edición desta cita, que reuniu a arredor de 300 profesionais e que tivo como lema Hábitos saudables, unha inversión en saúde. Tendo en conta que os hábitos saudables ou a prevención supoñen “unha influencia do 45% nas condicións de saúde dunha persoa, fronte ao 10% que representa a asistencia sanitaria”, ao longo da xornada abordouse un abano moi amplo de temáticas arredor do fomento da vida sa, desde a alimentación á saúde mental. O termalismo e o seus beneficios para a saúde foi un dos protagonista da programación.
Xoves, 05 de outubro do 2017

A Facultade de Dereito acolleu este xoves o segundo curso profesionalizante da revista 'Redas'

A auga, fonte de ingresos tributarios para as diferentes administracións

No marco do proxecto de especialización do campus de Ourense


ImageA auga é fonte de vida pero tamén fonte de ingresos económicos para as diferentes administracións públicas. Co obxectivo de afondar concretamente no réxime tributario arredor deste recurso natural, a Facultade de Dereito acolleu este xoves o curso Dereito Tributario, Auga e Sustentabilidade, organizado pola Revista de Agua, Derecho y Sostenibilidad-Redas, a primeira publicación xurídica española especializada en auga e medio ambiente e nada no marco do proxecto de especialización do campus de Ourense como Campus da Auga. Ao longo da sesión, técnicos e expertos de diferentes entidades debateron o marco tributario actual no referido á xestión da auga.
Mércores, 04 de outubro do 2017

O ciclo Pensar o Cine celebra a súa novena edición do 4 de outubro ao 15 de novembro

Oito películas para debater sobre sexualidade, muller e igualdade

As sesións contarán con conferencias de especialistas e mesas de debate


ImageAo longo da súa traxectoria, o ciclo Pensar o Cine dedicou, xa sexa de xeito específico ou transversal, unha atención especial á muller e á igualdade desde diferentes ángulos de análise. Nesta liña de compromiso, a novena edición desta iniciativa bota a andar co título Sexualidade, muller e igualdade. Do 4 de outubro ao 15 de novembro, a Facultade de Dereito do campus de Ourense acollerá oito sesións nas que, mesturando a proxección de películas actuais, a intervención de especialistas e o debate aberto, se intentará afondar desde diferentes puntos de vista nas problemáticas de xénero relacionadas coa sexualidade presentes na sociedade.
Martes, 03 de outubro do 2017

A contacontos Paula Carballeira ofreceu este martes no campus unha conferencia sobre este tema

Reivindicando desde as aulas a función pedagóxica do teatro

Foi a primeira das sesións da terceira edición do Ciclo de Literatura Infantil e Xuvenil


ImageEste martes arrancou no campus de Ourense a terceira edición do Ciclo de Literatura Infantil e Xuvenil, coordinado desde a Facultade de Ciencias da Educación pola docente Isabel Mociño. Nesta ocasión, o ciclo está dedicado ao teatro e as súas potencialidades na Educación Infantil, contando con seis conferencias doutros tantos expertos e expertas nesta temática. Para dar unha primeira visión xeral sobre este tema, a primeira das sesións contou cunha intervención da escritora, contacontos e actriz Paula Carballeira titulada Que facemos co teatro?.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 1095

Duvi. Diario da Universidade de Vigo. | Contacta con nós