DUVI. Diario da Universidade de Vigo
Inicio arrow Cultura arrow Campus Ourense

Campus Ourense

Venres, 23 de xuño do 2017

Este venres inaugurouse unha mostra da creadora lusa Mónica Oliveira

A Sala Alterarte despide o curso con 'Encruzilhadas'

A exposición está curada polo profesor da Universidade de Vigo Javier Blanco


ImageDeste este venres 23 de xuño e ata o 1 de setembro, os muros da sala de arte contemporánea do campus de Ourense, a Sala Alterarte, acollen a exposición Encruzilhadas. Nela, a creadora e docente lusa Mónica Oliveira amosa ao visitante 17 obras con formas de sobres e gaiolas coas que quere abordar as cuestións da comunicación na sociedade actual e a busca dun espazo nela por parte dos individuos. Coa apertura desta mostra, Alterarte pecha a súa programación do curso 2016/2017 e comeza a recta final da terceira edición do seu proxecto expositivo Estado Crítico, que reúne a unha decena de artistas escollidos por outros tantos curadores e curadoras docentes da Universidade.
Mércores, 14 de xuño do 2017

A Biblioteca Rosalía de Castro acolle ata o 7 de xullo unha mostra sobre o escritor

Unha ventá aberta á obra de Casares a través das capas dos seus libros

No marco da programación organizada co gallo das Letras Galegas 2017


ImageO pasado 17 de maio celebrouse o Día das Letras Galegas, que nesta edición 2017 estivo dedicada ao escritor ourensán Carlos Casares. Porén, cada ano os actos de homenaxe ao escritor elixido en cada edición prolóngase alén desa data co obxectivo de aproveitar a conmemoración para dar maior visibilidade á literatura galega e aos seus creadores. Deste xeito, no campus de Ourense desde este martes e ata o 7 de xullo, a Biblioteca Rosalía de Castro acolle a exposición As caras dos libros. O deseño de capas na obra de Carlos Casares.
Martes, 06 de xuño do 2017

A formación actuará na noite do venres en diferentes prazas da cidade

O coro do campus rematará o curso 'cantando por Ourense'

O obxectivo da iniciativa é dar a coñecer a súa existencia e repertorio á cidadanía


ImageO venres día 9 de xuño os membros do Coro Universitario do Campus de Ourense Schola Cantorum rematarán a súa actividade correspondente ao curso 2016/2017. Para celebrar o inicio das vacacións e sobre todo para dar a coñecer máis a existencia desta formación coral e o seu repertorio á cidadanía, ese día pola noite ofrecerán tres miniconcertos en diferentes prazas do casco vello da cidade de Ourense. Nas súas actuacións deixarán unha vez máis constancia do seu particular estilo, mestura de xéneros musicais e culturas moi diversas.
Luns, 05 de xuño do 2017

40 persoas participan na edición número 20 desta actividade formativa anual

Os cursos de extensión universitaria arrancan en Muíños abordando os retos do uso sustentable da auga

Coincidindo coa celebración do Día Mundial do Medio Ambiente


ImageEste luns, coincidindo coa celebración do Día Mundial do Medio Ambiente, arrancou no Concello de Muíños a programación de cursos de extensión universitaria, os coñecidos como cursos de verán, que se organizan desde o campus de Ourense. Ata o mércores, 40 persoas participarán na actividade formativa Retos e perspectivas do uso sustentable dos recursos hídricos. Tendo en conta o proxecto de especialización do campus de Ourense como Campus da Auga, a edición deste curso en Muíños, que vai pola súa edición número 20, céntrase nesta ocasión na temática dos recursos hídricos.
Venres, 26 de maio do 2017

Ourense acolleu este venres a gala de entrega de premios do Concurso de Vídeos na Rede

E os mellores ‘youtubeir@s’ son...

As pezas de Corasón de Churrasco e Teño unha Horta en San Sadurniño acadaron os galardóns principais


ImageUn vídeo opinativo sobre a problemática da praga da couza guatemalteca e un videotitorial de como facer un guiso anti-San Valentín. Estas son as pezas audiovisuais premiadas na primeira edición de Youtubeir@s Concurso de Vídeos na Rede. O Teatro Principal de Ourense acolleu este venres a gala de entrega de premios desta iniciativa dos servizos de normalización lingüística das universidades de Vigo, Santiago de Compostela e A Coruña e dos concellos da Baña, A Coruña, Ames, Carballo, Mazaricos, Ourense, Pontevedra, Ribadeo, Santiago de Compostela, Teo e O Grove. Con este acto culminou un proxecto que naceu coa vontade de conseguir que haxa máis vídeos en galego en Internet, concretamente na canle de YouTube, co fin último de fomentar a presenza e o uso deste idioma na rede.
Venres, 19 de maio do 2017

O centro acolle unha nova edición dos seus recunchos temáticos

Ourense escribe... para os lectores da biblioteca universitaria

Nesta ocasión dedica especial atención á obra de escritores e escritoras vinculados á provincia


ImageOurense escribe. Este é o lema escollido polo persoal técnico da Biblioteca Rosalía de Castro do campus de Ourense para o novo recuncho literario co que conta o centro na súa entrada. A selección de obras de autores vinculados a Ourense que se pode ver e coller emprestada neste espazo pretende dinamizar os fondos da biblioteca e chamar a atención dos potenciais lectores. A diversidade de títulos é moi ampla, abranguendo desde obras como O expreso da literatura e outros ensaios, de Carlos Casares, ata Matarte lentamente, de Diego Ameixeiras.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 595

Duvi. Diario da Universidade de Vigo. | Contacta con nós