DUVI. Diario da Universidade de Vigo
Inicio arrow Institucional arrow Campus Vigo

Campus Vigo

Venres, 02 de xuño do 2017

Desde 2003 participaron máis de 7500 estudantes de primaria, secundaria e bacharelato

O programa 'Universidade é Natureza' acada este curso o medio millar de participantes

A OMA organiza estas visitas didácticas para impulsar a concienciación medioambiental


ImageO programa de concienciación medioambiental Universidade é Natureza, organizado pola Oficina de Medio Ambiente da Universidade de Vigo (OMA), acolleu este curso a medio millar de participantes pertencentes a doce centros educativos de primaria, secundaria e bacharelato de Vigo e a súa contorna. O alumnado, acompañado dos seus docentes, puido gozar en cada unha das visitas de dúas rutas para coñecer o ecosistema do campus de Vigo e entrar en contacto directo coa natureza a través da fauna e flora propia do hábitat. Esta iniciativa inaugurouse no 2003 e, desde entón, levan participado máis de 7500 estudantes.
Venres, 26 de maio do 2017

Noutras seis, estes instrumentos de mellora do servizo están en de fase implantación

Oito unidades da Universidade de Vigo xa dispoñen de cadansúa carta de servizos


ImageAs cartas de servizos aparecen recollidas na lexislación de transparencia como un elemento útil e necesario para a rendición de contas na xestión das administracións. A día de hoxe, oito unidades da Universidade de Vigo contan con cadansúa carta de servizos, mentres noutras seis están en fase de implantación, co obxectivo de consolidarse como ferramentas eficaces de comunicación, tanto interna como externa, e difusión das súas actividades, permitíndolles ademais plasmar prazos e tarefas non previstas nas normativas a prol dun servizo máis eficiente. A Área de Calidade, Secretaría Xeral, Administración de Centros, Asesoría Xurídica e a Oficina de I+D, son as últimas unidades en acadar as súas cartas de servizos, nun proceso que comezou en 2016.
Xoves, 25 de maio do 2017

Nun encontro dos responsables deste eido nas universidades españolas e portuguesas

60 expertas e expertos abordan en Vigo o reto de adaptar o protocolo á sociedade do século XXI

Reivindicaron o seu valor como “ferramenta de orde” nunha época de cambios, desafíos e inestabilidade


ImageNa península ibérica existen universidades con séculos de historia ás súas costas, institucións como a de Salamanca, que neste 2017 cumpre 800 anos, ou a de Coimbra, con máis de 700. O cerimonial, costumes e normas que rexen as relacións, actos e eventos no eido universitario teñen mudado moito no transcurso de todo ese tempo. Por iso, para as universidades, a adaptación do todo o seu protocolo a unha sociedade cambiante e dinámica, como é a do século XXI, é todo un reto. Para analizar este desafío, representantes das universidades españolas e portuguesas reúnense dende hoxe xoves e ata o sábado no campus de Vigo no XVI Encontro de Responsables de Protocolo e Relacións Institucionais das Universidades Españolas e o VIII Encontro Hispano-luso de Protocolo Universitario.
Martes, 23 de maio do 2017

A Universidade entrega os Premios de Poesía, Relato curto e Tradución literaria 2017

Lembranza a Casares e inmensa “afouteza” literaria para culminar a celebración da Festa das Letras

O acto estivo conducido pola actriz Isabel Risco e contou coa actuación do grupo Blues do País


ImageCando aínda resoan por todos os recunchos do país as lembranzas á figura de Carlos Casares, as homenaxes continúan, tamén na Universidade de Vigo, onde, tras dúas semanas de actos espallados polos tres campus, tivo lugar o acto institucional de celebración do Día das Letras Galegas, festividade que cada ano, e xa van vinte, se fai coincidir coa entrega dos Premios de Poesía, Relato curto e Tradución literaria, neste caso a edición 2017, na que resultaron gañadores Genaro Da Silva, Lidia Dosil e Manuel Arca, dous mozos e unha moza que, ao igual ca Casares no seu día, amosan a través das letras, cada un desde o seu propio sentir, o seu compromiso coa lingua e a cultura do país.
A entrega de premios tivo lugar na sala de Consello de Goberno da Reitoría e estivo presidida polo reitor, Salustiano Mato, que non dubidou en dar os seus parabéns a todas as persoas premiadas e ao resto de autores e autoras dos corenta traballos presentados ao certame.
Martes, 23 de maio do 2017

Chegadas de universidades españolas e lusas intercambiarán coñecementos ata o sábado

Preto de 60 persoas daranse cita desde este xoves no campus nos encontros de protocolo universitario


Image Baixo o lema Desafíos do protocolo na sociedade do século XXI o vindeiro xoves comeza no campus de Vigo o XVI Encontro de Responsables de Protocolo e Relacións Institucionais das universidades españolas e o VIII Encontro Hispano-Luso de Protocolo Universitario. 56 persoas formalizaron a súa inscrición nas sesións, nas que se estudará, da man de destacadas expertas e expertos, o protocolo e a organización de actos co obxectivo de intercambiar coñecementos e experiencias que contribúan ao desenvolvemento profesional das de dos participantes e a fomentar a colaboración interuniversitaria. Os encontros prolongaranse ata o vindeiro sábado.
Xoves, 18 de maio do 2017

Desenvólvense ao longo de todo o ano nos tres campus

Igualdade promove 15 proxectos cos que espallar a perspectiva de xénero entre o alumnado

A directora da unidade lamenta a falta de solicitudes procedentes dos ámbitos científico e tecnolóxico


ImageA Unidade de Igualdade subvenciona este ano 15 actividades docentes que promoven a perspectiva de xénero e que se van levar a cabo nos tres campus. “A convocatoria destas axudas comeza a estar consolidada como unha forma de integrar a perspectiva de xénero na actividade docente e hai profesorado que xa organiza a súa docencia tendo en conta esta convocatoria”, explica Anabel González Penín, responsable da unidade”.
Resultados 31 - 36 de 1424

Duvi. Diario da Universidade de Vigo. | Contacta con nós